Infosys : రెండేళ్ల తర్వాత ఇన్ఫోసిస్ ట్రైనీలను తొలగింపు

ఇన్ఫోసిస్ మరోసారి పెద్ద నిర్ణయం తీసుకుంది తక్కువ పనితీరుతో శిక్షణలో విఫలమైన traineesను తప్పించింది. ఈసారి 240 మంది ట్రైనీలను కంపెనీ పదవి నుండి తొలగించింది. ట్రైనింగ్ సమయంలో నిర్వహించిన ఇంటర్నల్ అసెస్మెంట్ టెస్టుల్లో వారు నిబంధనలు నెరవేర్చలేకపోయారు. ఈ విషయాన్ని ఏప్రిల్ 18న ఈమెయిల్ ద్వారా వారికి తెలియజేశారుఇదే కంపెనీ ఫిబ్రవరిలోనూ 300 మందికి పైగా ట్రైనీలను తొలగించిన సంగతి గుర్తుంచుకోవాలి.

ఇప్పుడు మళ్లీ అటువంటి చర్యలు తీసుకోవడం IT వర్గాల్లో చర్చనీయాంశంగా మారింది.జాతీయ మీడియాలో వచ్చిన వివరాల ప్రకారం, ట్రైనీలకు పంపిన మెయిల్‌లో ఇలా ఉంది – “మీకు అదనపు శిక్షణ సమయం, డౌట్ క్లియర్ సెషన్లు, మూడు మాక్ టెస్టుల అవకాశాలు ఇచ్చినా, మీరు ‘Generic Foundation Training Program’లో అవసరమైన అర్హతలు సాధించలేకపోయారు.అందువల్ల apprenticeship ప్రోగ్రామ్ కొనసాగించలేరు.”అయితే, ఇన్ఫోసిస్ పూర్తిగా తలదూర్చలేదు. తొలగించిన ట్రైనీలకు కొన్ని మద్దతు చర్యలు ప్రకటించింది వారికి ఒక నెల జీతాన్ని ఎక్స్ గ్రేషియా రూపంలో చెల్లించనుంది. అంతేకాక, రిలీవింగ్ లెటర్‌ లతోపాటు ఉద్యోగావకాశాల కోసం అవుట్‌ప్లేస్‌మెంట్ సర్వీసులు కూడా అందించనుంది.ఇన్ఫోసిస్ ఈమెయిల్‌లో మరో కీలక విషయం కూడా వెల్లడించింది – “మీరు NIIT లేదా UpGrad సహకారంతో కంపెనీ అందిస్తున్న రెండు ఉచిత ట్రైనింగ్ ప్రోగ్రామ్‌లలో చేరవచ్చు. తద్వారా మీరు మీ ఐటీ కెరీర్‌ను అభివృద్ధి చేసుకోవచ్చు.

అలాగే, ట్రైనింగ్ విజయవంతంగా పూర్తి చేసిన తర్వాత Infosys BPM Limitedలో ఉండే అవకాశాలకు దరఖాస్తు చేసుకోవచ్చు.”మైసూరు ట్రైనింగ్ సెంటర్‌ నుంచి బెంగళూరుకు ట్రాన్స్‌పోర్ట్ కూడా ఏర్పాటు చేయనున్నట్లు తెలిపింది. అంతేకాదు, స్వగ్రామాలకు తిరిగిపోవడానికి ట్రావెల్ అలవెన్స్ ఇవ్వనుంది. అవసరమైతే మైసూరులోని ఎంప్లాయీ కేర్ సెంటర్‌లో ఉండేందుకు సదుపాయం కల్పించనుంది. అవసరమైనవారికి కౌన్సెలింగ్ సపోర్ట్ కూడా ఇవ్వనుంది.ఇందులో అత్యంత బాధాకరమైన విషయం ఏమిటంటే – ఈ ట్రైనీల్లో చాలామంది రెండు సంవత్సరాలుగా జాబ్ ఆఫర్ కోసం ఎదురు చూస్తున్నారు. onboarding ఆలస్యం తర్వాత, చివరికి ఉద్యోగం కోల్పోవడం వాళ్ల మనోభావాలను దిగజార్చింది.ప్రపంచ ఆర్థిక మందగమనం నేపథ్యంలో IT కంపెనీలు ప్రాజెక్టుల ఖర్చులను తగ్గించేందుకు చూస్తున్నాయి. ఈ పరిణామాలు దాని ప్రభావమేనని చెబుతున్నారు. కాగా, Infosys తదుపరి బ్యాచ్ ట్రైనీల ఫలితాలు వచ్చే వారం విడుదలయ్యే అవకాశం ఉంది.