సౌదీ అరేబియాకు (To Saudi Arabia) చెందిన యువరాజు అల్-వలీద్ బిన్ ఖలీద్ బిన్ తలాల్ (Al-Waleed bin Khalid bin Talal), ఇన్నేళ్లుగా ‘స్లీపింగ్ ప్రిన్స్’ అనే పేరుతో గుర్తింపు పొందారు. 2005లో జరిగిన కారు ప్రమాదం తర్వాత ఆయన కోమాలోకి వెళ్లారు. తాజాగా ఆయన కోమా నుంచి మేల్కొన్నారని చెప్పే వీడియో ఒకటి సోషల్ మీడియాలో ఊహించని రీతిలో వైరల్ అయింది. కుటుంబ సభ్యులతో కలిశారని వార్తలు గుప్పుమన్నాయి.అయితే ఈ వార్తల్లో ఎటువంటి నిజం లేదని తేలిపోయింది. వైరల్ వీడియోలో ఉన్న వ్యక్తి యువరాజు కాదు. ఆయన పేరు యజీద్ మహమ్మద్ అల్-రజీ – సౌదీకి చెందిన బిలియనీర్, మోటార్స్పోర్ట్స్ ప్రేమికుడు. సోషల్ మీడియాలో ఫ్యాక్ట్ చెక్ సంస్థలు వీడియోను పరిశీలించి అసలు నిజాన్ని వెల్లడించాయి. దీంతో గందరగోళం తీరింది.
2005లో జరిగిన ఘోర ప్రమాదం అనంతరం కోమా
అల్-వలీద్, ప్రిన్స్ ఖలీద్ బిన్ తలాల్ కుమారుడు. 2005లో యూకేలో ఉన్నప్పుడు ఆయన ఒక కార్ యాక్సిడెంట్కి గురయ్యారు. దాంతో మెదడుకు తీవ్ర గాయం అయ్యింది. అప్పటి నుంచీ ఆయన కోమాలోనే ఉన్నారు. ప్రస్తుతం ఆయన వయసు 36. రియాద్లోని కింగ్ అబ్దుల్అజీజ్ మెడికల్ సిటీలో ఆయనకు లైఫ్ సపోర్ట్ మీద చికిత్స కొనసాగుతోంది.
తండ్రి నమ్మకం – ఒకరోజు మేల్కొంటాడన్న ఆశ
2015లో వైద్యులు లైఫ్ సపోర్ట్ తీసేయాలని సూచించినా, ఆయన తండ్రి ఖలీద్ ఒప్పుకోలేదు. దేవుడు ఆయన్ని బతికించాడంటే దానికి కారణముంటుంది. ఒక రోజు మేల్కొంటాడనే నమ్మకం ఉంది అంటూ ఎప్పుడూ ఆశతో ఉన్నారు.2019లో యువరాజు చేతులు కదిపినట్లు, తల తిప్పినట్లు వార్తలు వచ్చాయి. కానీ అవి పెద్ద మార్పుగా మారలేదు. ఏప్రిల్లో పుట్టినరోజు సందర్భంగా అభిమానులు, కుటుంబం ఆయన్ని గుర్తుచేసుకున్నారు. తాజాగా వచ్చిన వీడియోతో మళ్లీ ఆయన ఆరోగ్యంపై చర్చ మొదలైంది. కానీ సత్యం మాత్రం ఒకటే – స్లీపింగ్ ప్రిన్స్ ఇప్పటికీ కోమాలోనే ఉన్నారు.
