హైదరాబాద్లోని పలు ప్రాంతాల్లో బుధవారం నాడు తాగునీటి సరఫరాకు అంతరాయం( Water Cut) కలగనుంది. నగరానికి ప్రధానంగా తాగునీటిని అందించే కృష్ణ ఫేజ్-1, 2, మరియు 3 పంపింగ్ స్టేషన్లకు విద్యుత్ సరఫరా చేసే ఫీడర్లు, ట్రాన్స్ఫార్మర్ల స్థానంలో కొత్త వాటిని అమర్చే పనులను చేపట్టనున్నారు. ఈ మరమ్మత్తుల నేపథ్యంలో, బుధవారం రోజు ఉదయం 10 గంటల నుంచి సాయంత్రం 4 గంటల వరకు అంటే సుమారు ఆరు గంటల పాటు నీటి సరఫరా నిలిపివేయబడుతుందని జలమండలి అధికారులు ప్రకటించారు. ఈ పనులు అత్యవసరం కావడం వల్ల తాగునీటి సరఫరాలో అంతరాయం ఏర్పడుతోందని అధికారులు వివరించారు.
Read Also: CM Chandrababu: మరింత మెరుగైన పౌరసేవలు గ్రామ, వార్డు సభల ఆమోదంతోనే పనులు చేపట్టాలి
ఈ నీటి సరఫరా అంతరాయం( Water Cut) వల్ల చార్మినార్, వినయ్ నగర్, భోజగుట్ట, రెడ్ హిల్స్, నారాయణగూడ, ఎస్.ఆర్. నగర్ (ఎస్సార్ నగర్), హయత్ నగర్, ఉప్పల్, రాజేంద్రనగర్, మీర్పేట్ వంటి ప్రధాన ప్రాంతాలతో సహా పలు ఇతర ప్రాంతాల ప్రజలు తాగునీటి కొరతను ఎదుర్కొనే అవకాశం ఉంది. బుధవారం ఉదయం నుంచి సాయంత్రం వరకు నీటి సరఫరా నిలిచిపోతున్నందున, ఆయా ప్రాంతాల ప్రజలు ముందుగానే నీటిని నిల్వ చేసుకోవాలని జలమండలి అధికారులు కోరారు. మరమ్మతు పనులు పూర్తయిన వెంటనే నీటి సరఫరాను పునరుద్ధరిస్తామని వారు స్పష్టం చేశారు.
Read hindi news:hindi.vaartha.com
Epaper: epaper.vaartha.com/
Read Also: