హైదరాబాద్: రాష్ట్రంలో తీవ్ర దుమారం రేపిన శేరిలింగంపల్లి మండలం కంచగచ్చిబౌలి భూముల(Kanchagachibowli lands) విషయంలో మరో వివాదం తెరపైకి వచ్చింది. ఇప్పటికే ఈ భూముల యాజమాన్య హక్కులపై హైదరాబాద్ సెంట్రల్ యూనివర్సిటీ (హెచ్సీయూ) మరియు రాష్ట్ర ప్రభుత్వం(State Govt) మధ్య వివాదం నడుస్తుండగా, తాజాగా ఏడవ నిజాం మీర్ ఉస్మాన్ అలీ ఖాన్ వారసులు జోక్యం చేసుకున్నారు. కంచగచ్చిబౌలిలో ఉన్న 2,725 ఎకరాల 23 గుంటల భూమికి నిజమైన యజమాని ఏడవ నిజాం అని వారు ఆరోపిస్తున్నారు.
Read also : CM Chandrababu: పెట్టుబడిదారుల ఆకర్షణే విశాఖ సదస్సు లక్ష్యం
సుప్రీంకోర్టులో ఇంప్లీడ్ పిటిషన్
అసఫ్ జాహి రాజవంశ వారసులు కంచగచ్చిబౌలిలోని 2,725 ఎకరాల భూమిపై సుప్రీంకోర్టు(Supreme Court) విచారిస్తున్న సుమోటో రిట్ పిటిషన్లో తమను చేర్చుకోవాలని (ఇంప్లీడ్ పిటిషన్) దాఖలు చేశారు. రాష్ట్ర ప్రభుత్వానికి ఇప్పటికే చట్టపరమైన నోటీసులు జారీ చేశామని, ప్రభుత్వం ఆ భూమిని స్వాధీనం చేసుకోవడాన్ని ఆపడానికి న్యాయపరమైన జోక్యాన్ని కోరుతున్నట్లు వారు తెలిపారు. ఈ కంచగచ్చిబౌలి భూమి చారిత్రకంగా ఏడవ నిజాం మీర్ ఉస్మాన్ అలీ ఖాన్కు చెందినదని వారు పేర్కొన్నారు.
వారసత్వ పరిరక్షణ కోసం పోరాటం
తొమ్మిదవ నిజాంగా నియమించబడిన, అసఫ్ జాహి కుటుంబ వ్యవహారాల సంరక్షకుడు రౌనఖ్ యార్ ఖాన్ మాట్లాడుతూ, కంచగచ్చిబౌలి భూమి పూర్వీకులు దేశానికి చేసిన సేవకు చిహ్నం అని అభివర్ణించారు. ఆరవ నిజాం మహబూబ్ అలీ ఖాన్, ఏడవ నిజాం ఉస్మాన్ అలీ ఖాన్.. 1965 యుద్ధంలో ప్రజల కోసం విశ్వవిద్యాలయాలు, ఆసుపత్రులు, మౌలిక సదుపాయాలను నిర్మించినట్లు ఆయన వివరించారు. నిజాం వారసుల హక్కుగా భూములను రక్షించడం ద్వారా నిజాం వారసత్వాన్ని గౌరవించాలన్నారు. ఈ పోరాటం అభివృద్ధి ముసుగులో చరిత్ర చెరిపివేయకుండా కాపాడటం కోసమేనని రౌనఖ్ యార్ ఖాన్ స్పష్టం చేశారు.
కంచగచ్చిబౌలి భూముల వివాదంలో కొత్తగా ఎవరు జోక్యం చేసుకున్నారు?
ఏడవ నిజాం మీర్ ఉస్మాన్ అలీ ఖాన్ వారసులు ఈ వివాదంలో జోక్యం చేసుకున్నారు.
వారసులు ఏ కోర్టులో పిటిషన్ దాఖలు చేశారు?
సుప్రీంకోర్టు విచారిస్తున్న సుమోటో రిట్ పిటిషన్లో తమను చేర్చుకోవాలని ఇంప్లీడ్ పిటిషన్ దాఖలు చేశారు.
Read hindi news: hindi.vaartha.com
Epaper : https://epaper.vaartha.com/
Read also :