Lizard in Hyderabad Biryani: భాగ్యనగరంలో ఫుడ్ సేఫ్టీ ప్రశ్నార్థకంగా మారుతోంది. బిర్యానీకి ప్రపంచ ప్రసిద్ధి గాంచిన పాతబస్తీలో ఓ హోటల్ నిర్వాకం ఇప్పుడు నగరవాసులను బెంబేలెత్తిస్తోంది. మీర్చౌక్ పోలీస్ స్టేషన్ పరిధిలోని మెహబూబ్ హోటల్లో కస్టమర్ ఆర్డర్ చేసిన బిర్యానీ ప్లేట్లో చనిపోయిన బల్లి ప్రత్యక్షమైంది.
Read Also: Hyderabad Farmhouse Drug Parties: ఫాంహౌస్ లపై కొరవడిన నిఘా
అసలేం జరిగిందంటే?
ఒక వినియోగదారుడు ఎంతో ఇష్టంగా బిర్యానీని తింటుండగా, ముక్కల మధ్యలో చనిపోయి ఉన్న బల్లి కనిపించింది. అప్పటికే కొంత ఆహారం తీసుకోవడంతో సదరు కస్టమర్ తీవ్ర ఆందోళనకు గురయ్యాడు. వెంటనే ఈ విషయాన్ని హోటల్ సిబ్బంది దృష్టికి తీసుకెళ్లగా, వారు బాధ్యతారాహిత్యంగా సమాధానం ఇవ్వడంతో వివాదం మరింత ముదిరింది. హోటల్ యజమాన్యం మరియు కస్టమర్ మధ్య జరిగిన వాగ్వాదాన్ని అక్కడ ఉన్న వారు వీడియో తీసి సోషల్ మీడియాలో పోస్ట్ చేయడంతో ఈ ఉదంతం వైరల్గా మారింది.
చర్యలు తీసుకోవాలని డిమాండ్
బిర్యానీలో బల్లిని చూసిన ఇతర కస్టమర్లు కూడా అక్కడి నుంచి పరుగులు తీశారు. వంటగదుల్లో కనీస పరిశుభ్రత పాటించడం లేదని, ప్రజల ఆరోగ్యంతో చెలగాటమాడుతున్న ఇలాంటి హోటళ్లపై జీహెచ్ఎంసీ (GHMC) ఫుడ్ సేఫ్టీ అధికారులు కఠిన చర్యలు తీసుకోవాలని నెటిజన్లు డిమాండ్ చేస్తున్నారు. లైసెన్స్లను రద్దు చేసి, భారీ జరిమానాలు విధిస్తేనే పరిస్థితి మారుతుందని బాధితుడు మరియు స్థానికులు కోరుతున్నారు.
Read hindi news: hindi.vaartha.com
Epaper : epaper.vaartha.com
Read Also:
