జూబ్లీహిల్స్ అసెంబ్లీ(Jublie Hills elections) నియోజకవర్గ ఉప ఎన్నికకు సంబంధించిన నామినేషన్ల దాఖలుకు(nominations) గడువు ఈరోజుతో ముగిసింది. ఎన్నికల ప్రక్రియ చివరి రోజు కావడంతో, అభ్యర్థులు, కార్యకర్తలు ఎన్నికల కార్యాలయం వద్ద భారీగా తరలివచ్చారు. సమాచారం ప్రకారం, ఈ నియోజకవర్గం నుంచి 150కి పైగా అభ్యర్థులు తమ నామినేషన్లు దాఖలు చేశారు. మధ్యాహ్నం 3 గంటల వరకు గడువు ఉండగా, ఆ సమయానికి కార్యాలయ ప్రాంగణంలో ఉన్న వారికి నామినేషన్ దాఖలు చేసే అవకాశం కల్పించారు.
Read Also: Sanae Takaichi: జపాన్ కొత్త ప్రధానికి .. మోడీ శుభాకాంక్షలు
ప్రధాన పార్టీలతో పాటు స్వతంత్రులు కూడా బరిలోకి
ప్రధాన రాజకీయ పార్టీల అభ్యర్థులతో పాటు, స్వతంత్రులు, ఓయూ విద్యార్థి సంఘాల నేతలు, రీజినల్ రింగ్ రోడ్ (RRR) బాధిత రైతులు, అలాగే నిరుద్యోగ సంఘాల ప్రతినిధులు కూడా ఈసారి ఎన్నికల్లో పోటీకి సిద్ధమయ్యారు. ఇది జూబ్లీహిల్స్ ఉప ఎన్నికను(Jublie Hills elections) మరింత రసవత్తరంగా మార్చనుంది. బీజేపీ తరఫున లంకల దీపక్ రెడ్డి నేడు అధికారికంగా తన నామినేషన్ పత్రాలు సమర్పించారు. ఇక ఇతర ప్రధాన పార్టీలు కూడా తమ అభ్యర్థులను ఇప్పటికే బరిలోకి దించారు.
కీలక తేదీలు
- నామినేషన్ల పరిశీలన: అక్టోబర్ 22 నుంచి ప్రారంభం
- నామినేషన్ ఉపసంహరణ గడువు: అక్టోబర్ 24 వరకు
- పోలింగ్ తేదీ: నవంబర్ 11
- ఫలితాల ప్రకటన: నవంబర్ 14
ఈ షెడ్యూల్ ప్రకారం, రాబోయే రోజుల్లో జూబ్లీహిల్స్ రాజకీయాలు వేడెక్కే అవకాశం ఉంది.
రసవత్తరంగా మారనున్న ఎన్నికల సమరం
జూబ్లీహిల్స్ ప్రాంతం హైప్రొఫైల్ నియోజకవర్గం కావడంతో, ఈ ఉప ఎన్నికపై రాష్ట్రవ్యాప్తంగా ఆసక్తి నెలకొంది. అభ్యర్థుల జాబితా పూర్తి కాగానే, రాజకీయ పార్టీల ప్రచార కార్యక్రమాలు వేగం పుంజుకునే అవకాశం ఉంది. పోలింగ్ దాకా ప్రతీ రోజు ఇక్కడ రాజకీయ చర్చలు, సవాళ్లు, ఆరోపణలు ప్రతారోపణలు ఊపందుకునే అవకాశం ఉంది.
జూబ్లీహిల్స్ ఉప ఎన్నికకు నామినేషన్ల గడువు ఎప్పుడు ముగిసింది?
అక్టోబర్ 21తో నామినేషన్ దాఖలు గడువు ముగిసింది.
మొత్తం ఎన్ని నామినేషన్లు దాఖలయ్యాయి?
150కి పైగా నామినేషన్లు దాఖలయ్యాయి.
Read hindi news: hindi.vaartha.com
Epaper : https://epaper.vaartha.com/
Read Also: