పైరసీ వెబ్సైట్ ‘iBomma’ వ్యవహారంలో అరెస్టైన ఇమంది రవి కస్టడీలో పోలీసులకు ముఖ్యమైన సమాచారాన్ని అందిస్తున్నాడు. ఐదు రోజుల పోలీసు కస్టడీ రెండో రోజు జరిగిన విచారణలో ఈ అక్రమ నెట్వర్క్కు సంబంధించిన పలు ఎన్నడూ బయటకు రాని వివరాలు వెలుగులోకి వచ్చాయి.
Read Also: Property seize: హీరాగోల్డ్ నౌహీరా షేక్ కు ఇడి షాక్
బెట్టింగ్ యాప్లే అసలు నిధుల మూలం
సైబర్ క్రైమ్(Cyber Crime) అధికారుల విచారణలో రవి బెట్టింగ్ అప్లికేషన్ల ద్వారా వచ్చిన డబ్బుతోనే పైరసీ సినిమాలను కొనుగోలు చేసినట్టు స్పష్టం అయింది.
- బెట్టింగ్ యాప్లను ఐబొమ్మ వెబ్సైట్కు గేట్వేగా ఉపయోగించాడు.
- ఆ అక్రమ ఆదాయంతో తమిళ, హిందీ పైరసీ ప్లాట్ఫామ్లైన మూవీ రూల్స్ వంటి సైట్ల నుంచి కొత్త సినిమాలను భారీగా కొనుగోలు చేశాడు.
- ఈ లావాదేవీలన్నీ క్రిప్టో కరెన్సీ ద్వారా నిర్వహించినట్లుగా పోలీసులు గుర్తించారు.
కరేబియన్ దీవుల్లో ఆఫీస్ – 20 మంది సిబ్బంది
పైరసీ వ్యవస్థను మరింత శృంఖలబద్ధంగా నడిపేందుకు రవి కరేబియన్ దీవుల్లో ప్రత్యేక ఆఫీస్ను ఏర్పాటు చేసి, దాదాపు 20 మంది ఉద్యోగులను నియమించుకున్నాడని విచారణలో తేలింది. ఇది మొత్తం వ్యవహారం పెద్ద స్థాయి ఆపరేషన్గా ఉన్నట్టు సూచిస్తోంది. పోలీసుల ప్రకారం రవి పూర్తిగా సహకరించకుండానే, ఇప్పటికే పేర్కొన్న విషయాలనే మళ్లీ మళ్లీ చెబుతున్నాడని సమాచారం.
అతను—
- “నాకు సంబంధించిన సైట్లను మాత్రమే మూసివేస్తాను, అన్నింటికీ నన్నే బాధ్యుడిని చేయవద్దు” అని పట్టు పట్టుతున్నాడట.
అతను కస్టడీలో ఉన్నప్పటికీ ఇదే సమయంలో ‘iBomma One’ పేరుతో కొత్త సైట్ ప్రత్యక్షమైన విషయం, పాత సైట్ ‘MovieRules’ కు ఆటోమేటిక్గా రీడైరెక్ట్ అవుతున్న అంశం పోలీసులకు మరో సవాలుగా మారింది. మొత్తం నెట్వర్క్ను పూర్తిగా కూల్చివేయడమే లక్ష్యంగా రవిపై నమోదైన మరో నాలుగు కేసుల్లో కూడా పీటీ వారెంట్లు దాఖలు చేయాలని పోలీసులు నిర్ణయించారు.
Read hindi news : hindi.vaartha.com
Epaper : epapervaartha.com
Read Also:
