పూర్తయిన ముగ్గురు అక్కాచెల్లెళ్ల అంత్యక్రియలు
రంగారెడ్డి జిల్లా చేవెళ్ల(Chevella Accident) మండలం ఖానాపూర్ గేటు వద్ద జరిగిన రోడ్డు ప్రమాదం ఒక కుటుంబాన్ని శాశ్వత దుఃఖంలో ముంచేసింది. కంకర లోడుతో వెళ్తున్న టిప్పర్ ఒక ఆర్టీసీ(RTC) బస్సును ఢీ కొట్టడంతో, తాండూరు పట్టణానికి చెందిన ఎల్లయ్య గౌడ్ దంపతుల ముగ్గురు కుమార్తెలు ప్రాణాలు కోల్పోయారు. ఈ ప్రమాదం తాండూరు పట్టణం గాంధీనగర్ ప్రాంతంలోనే కాకుండా, మొత్తం రాష్ట్రాన్ని కలచివేసింది.
ముగ్గురు బంగారు పాపల అంతిమ ప్రయాణం
తనూష, సాయిప్రియ, నందినిల అనే మూడు అక్కాచెల్లెలు ఒకే ప్రమాదంలో మరణించడంతో కుటుంబం, బంధువులు, స్నేహితులు బీభత్సంగా విలపించారు. ఆదివారం సాయంత్రం ముగ్గురి అంత్యక్రియలు ఒకే చోట, కన్నీటి నదుల మధ్య ముగిశాయి. ఒకే గూటి పిల్లలు ఒకేసారి కాటికి చేరడం చూసి ప్రజలు కన్నీళ్లు ఆపుకోలేకపోయారు.మరణించిన పెద్ద కూతురు తనూష ఎంబీఏ చదువుతుండగా, రెండో కుమార్తె సాయిప్రియ కోఠి ఉమెన్స్ కాలేజీలో డిగ్రీ ఫైనల్ ఇయర్, చిన్నది నందిని అదే కాలేజీలో డిగ్రీ ఫస్ట్ ఇయర్ చదువుతోంది. చదువులో ప్రతిభావంతులైన ఈ ముగ్గురు సోదరీమణులు పెద్దవాళ్లై తల్లిదండ్రులకు గర్వకారణం కావాలనుకున్న వారు, ఒక్క క్షణంలోనే కుటుంబానికి చెరగని నష్టం మిగిల్చారు.
Read Also: Haryana: నడిరోడ్డుపై యువతిపై కాల్పులకు తెగబడ్డ దుండగుడు
తల్లిదండ్రుల వేదనకు హద్దుల్లేవు
ముగ్గురు కూతుళ్ల మృతదేహాలను చూసి తల్లి అంబిక హృదయం పగిలిపోయింది. “నా పిల్లలు తిరిగి రార?” అంటూ ఆమె విలపించగా, అక్కడ ఉన్న ప్రతి ఒక్కరి కళ్లలో నీరు తెప్పించింది. తండ్రి ఎల్లయ్య గౌడ్ మౌనంగా కన్నీళ్లు కారుస్తూ నిలబడ్డాడు. కూతుళ్లకు పెళ్లిళ్లు జరిపి ఆనందంగా చూడాలని కలగన్న దంపతులకు ఈ సంఘటన భరించలేని ఆవేదనను మిగిల్చింది. గ్రామంలోని బంధువుల పెళ్లికి హాజరైన ముగ్గురు అక్కాచెల్లెలు సెలవులు ముగియడంతో తిరిగి కాలేజీకి బయలుదేరారు. కానీ దురదృష్టవశాత్తు తమ గమ్యానికి చేరకముందే ఆర్టీసీ బస్సు–టిప్పర్ ఢీకొన్న ప్రమాదంలో ప్రాణాలు కోల్పోయారు.
Read hindi news : hindi.vaartha.com
Epaper : epapervaartha.com
Read Also: