ప్రస్తుత భారతదేశ పరిస్థితుల్లో పోషకాహార లోపాల సమస్యలు ఎంతో గంభీరంగా మారుతున్నాయి. వాటిలో ముఖ్యంగా ‘సన్షైన్ విటమిన్’గా ప్రసిద్ధమైన విటమిన్ డి లోపం రోజురోజుకీ పెరుగుతున్నదే తప్ప తగ్గడం లేదు. దేశంలోని ప్రతి ఐదుగురిలో ఒకరు ఈ లోపంతో బాధపడుతున్నారు.
విటమిన్ డి ప్రాముఖ్యత
విటమిన్ డి అనేది కొవ్వులో కరిగే విటమిన్. ఇది శరీరంలో కాల్షియం మరియు ఫాస్ఫరస్ను శోషించేందుకు, ఎముకల పెరుగుదల మరియు దృఢతకు, పళ్ళ ఆరోగ్యానికి, రోగనిరోధక శక్తి మెరుగుదల కోసం అత్యంత అవసరం. ఇది ప్రధానంగా సూర్యరశ్మి ద్వారా మన శరీరం సంతృప్తి పొందుతుంది. UVB కిరణాలు చర్మంపై పడినపుడు, చర్మంలోని మెలనిన్ ఆధారంగా విటమిన్ డి ఉత్పత్తి అవుతుంది.
ఎందుకు విటమిన్ డి లోపం పెరుగుతోంది?
పట్టణ ప్రాంతాల్లో అధిక వాయు కాలుష్యం UVB కిరణాలను అడ్డుకుంటుంది. దీంతో చర్మం విటమిన్ డిని ఉత్పత్తి చేయలేకపోతుంది. నగరాల్లో ఎక్కువమంది పొద్దున్నే ఆఫీసులకు వెళ్లి, సాయంత్రం ఇంటికి వస్తారు. ఈ మధ్య కాలంలో ఇంట్లో ఉండే పని కల్చర్ పెరగడం వల్ల వారు సూర్యరశ్మిని తగిలించుకునే అవకాశం కోల్పోతున్నారు.
సన్స్క్రీన్ వాడకం & దుస్తుల ప్రాముఖ్యత: ఆధునిక యువత చర్మాన్ని UV కిరణాల నుంచి కాపాడుకోవాలనే ఉద్దేశంతో అధికంగా సన్స్క్రీన్ వాడుతున్నారు. పొడవాటి చేతులు, ముఖాన్ని కప్పే దుస్తులు ధరించడం వల్ల సూర్యరశ్మి చర్మానికి తగలదు.
ఆహార పరిమితులు: విటమిన్ డి సహజంగా చేపలు, గుడ్లు, కాలేయం, పుట్టగొడుగులు వంటి కొన్ని ఆహారాలలో మాత్రమే లభిస్తుంది. పాలు, నూనె, గోధుమలు, బియ్యం వంటి ఆహార పదార్థాలతో ఫోర్టిఫై చేయడం కొంత పరిష్కారంగా మారినా, అవి అన్ని వర్గాలకు అందుబాటులో ఉండడం లేదు. భారతీయుల చర్మంలో మెలనిన్ ఎక్కువగా ఉండటం వల్ల UVB కిరణాలు తక్కువగా విటమిన్ డి ఉత్పత్తికి దోహదపడతాయి.
ప్రభావిత వర్గాలు
విటమిన్ డి లోపం ప్రధానంగా కౌమారదశలో ఉన్న పిల్లలు, గర్భిణులు, వృద్ధులు, మరియు చిన్న పిల్లల్లో తీవ్రంగా కనిపిస్తుంది. ఇందులో మహిళలు పురుషుల కంటే ఎక్కువగా ప్రభావితమవుతున్నారు. ఇది స్నాయు బలహీనత, ఎముకల నొప్పులు, ఆస్టియోపోరోసిస్, నిద్రలేమి, అలసట, మానసిక ఆందోళన వంటి అనేక సమస్యలకు దారితీస్తుంది.
ఎండ తగిలినా లోపం ఎందుకు?
భారతదేశంలో ఏడాది పొడవునా సమృద్ధిగా సూర్యరశ్మి లభించినప్పటికీ, పెరుగుతున్న కాలుష్యం, పట్టణీకరణ, మారిన జీవనశైలి కారణంగా ప్రజలు ఎండకు తగినంతగా గురికావడం లేదని నివేదిక స్పష్టం చేసింది. పట్టణాల్లో అధిక వాయు కాలుష్యం అతినీలలోహిత B (UVB) కిరణాలను అడ్డుకోవడం వల్ల చర్మం విటమిన్ డిని సంశ్లేషణ చేయలేకపోతోంది. ఇరుకైన నివాసాలు, ఎక్కువ సమయం ఇళ్లలోనే లేదా ఆఫీసుల్లోనే గడపడం కూడా ఎండ తగలడం లేదు. అంతే కాకుండా చర్మం నల్లబడకుండా ఉండటానికి గొడుగులు, సన్స్క్రీన్ వాడటం, శరీరాన్ని పూర్తిగా కప్పి ఉంచే దుస్తులు ధరించడం వల్ల విటమిన్ డి లోపానికి కారణమవుతుంది. భారతీయుల చర్మంలో సహజంగా మెలనిన్ ఎక్కువగా ఉండటం వల్ల కూడా విటమిన్ డి ఉత్పత్తి సామర్థ్యం తగ్గుతుంది.
Read also: Barley water: బార్లీ నీరు తాగడం వల్ల కలిగే ప్రయోజనాలు
