మన ఆరోగ్యం, నోటి శుభ్రతతో ప్రారంభమవుతుంది. ప్రతి రోజు మనం తినే ఆహారం నోటి ద్వారా శరీరంలోకి ప్రవేశిస్తుంది. అందువల్ల నోటి పరిశుభ్రత అనేది ఆరోగ్యానికి మూలస్తంభంలాంటిది. ఈ క్రమంలో టూత్ బ్రష్ మార్పు గురించి మనం తీవ్రంగా ఆలోచించాల్సిన అవసరం ఉంది. “బ్రష్ (Brush) బాగుంది కదా!” అనే ఉద్దేశంతో దాన్ని నెలలు నెలల పాటు వాడటం చాలా ప్రమాదకరం. నిపుణుల సూచన మేరకు ప్రతి మూడు నెలలకు ఒకసారి టూత్ బ్రష్ను మార్పడం తప్పనిసరి.
ఎందుకు టూత్ బ్రష్ మార్చాలి?
బ్రష్ బ్రిసిల్స్ నశించడం:
ప్రారంభంలో మృదువుగా ఉండే బ్రష్ ముళ్ళు (bristles), సమయానికి అరిగిపోతూ గట్టిపడతాయి. ఇవి దంతాలను సమర్ధవంతంగా శుభ్రం చేయలేవు. అలా చేస్తే, బ్రష్ ఎంతసేపు చేసినా ఫలితం ఉండదు. ఈ ముళ్ళు వంగిపోతే, ఆ దంతాల మధ్య చీకటి ప్రాంతాలు శుభ్రం కావు, ప్లాక్ మరియు బాక్టీరియా పేరుకుపోతాయి.
సూక్ష్మజీవుల పెరుగుదల:
టూత్ బ్రష్ ఎక్కువకాలం వాడితే దానిపై సూక్ష్మజీవులు చేరి, బ్రష్ను వ్యాధుల కేంద్రంగా మార్చుతాయి. ముఖ్యంగా బ్రష్ను బాత్రూమ్ లేదా సింక్ దగ్గర ఉంచడం వల్ల ఆ ప్రాంతాల్లో ఉండే బ్యాక్టీరియా, వైరస్లు తేలికగా బ్రష్పై పెరుగుతాయి. ఇవి నోటి నుంచి శరీరంలోకి వెళ్లి గుండె జబ్బులు, ఆర్థరైటిస్, స్ట్రోక్ వంటి తీవ్రమైన ఆరోగ్య సమస్యలకు కారణమయ్యే ప్రమాదం ఉంది.
ఇన్ఫెక్షన్ తర్వాత మార్చడం కీలకం:
మీకు జలుబు, దగ్గు, జ్వరం వంటి వైరల్ ఇన్ఫెక్షన్లు వచ్చిన తర్వాత కూడా టూత్ బ్రష్ను మార్చాలి. ఎందుకంటే వాటికి కారణమయ్యే వైరస్లు, బ్యాక్టీరియా టూత్ బ్రష్పై వాసిస్తాయి. మీరు ఆరోగ్యంగా మారిన తర్వాత కూడా అవి బ్రష్పై కొన్ని రోజుల పాటు జీవించగలవు. తిరిగి మళ్లీ వాటి వల్ల ఇన్ఫెక్షన్ వచ్చే అవకాశమూ ఉంటుంది.
బ్రష్ వాడడంలో మన తప్పులు
చాలా మంది బ్రష్ చేస్తూ ఆలోచనలు చెయ్యడం వల్ల బ్రష్ను నమలడం, గట్టిగా రుద్దడం వంటి అలవాట్లు పెంచుకుంటారు. ఫలితంగా కొత్త బ్రష్ కూడా కొన్ని రోజుల్లోనే అరిగిపోతుంది. “ఇంకా వాడొచ్చు” అని వదలకుండా, అలాంటి బ్రష్ వాడితే, అది శుభ్రంగా చేయదు మాత్రమే కాదు, దంతాలపై ముద్రలు, దుర్వాసనలు, దంతక్షయం వంటి సమస్యలకు బీజం పడుతుంది.
పళ్లు ఎలా తోముకోవాలి?
- రోజూ రెండు సార్లు: ఉదయం లేచాక, రాత్రి పడుకునే ముందు
- కనీసం 2 నిమిషాలు బ్రష్ చేయాలి
- ఫ్లోరైడ్ టూత్పేస్ట్ వాడాలి
- బ్రష్ను 45 డిగ్రీల కోణంలో పట్టుకోవాలి
- వృత్తాకార కదలికలతో చిగుళ్ల దద్దరిమీద సున్నితంగా బ్రష్ చేయాలి. బ్రష్ చేయడం, బలంగా రుద్దడం వల్ల దంతాల ఎనామెల్ దెబ్బతినే అవకాశం ఉందని హెచ్చరిస్తున్నారు. అంతే కాకుండా ప్రతి 3-4 నెలలకు ఒకసారి టూత్ బ్రష్ను మార్చలని సూచిస్తున్నారు.
టూత్ బ్రష్ మామూలు ప్లాస్టిక్ వస్తువు అనిపించొచ్చు. కానీ, అదే వస్తువు మీ నోటి పరిశుభ్రతను నిర్ణయిస్తుంది. మంచి బ్రష్ వాడడం, తగిన సమయంలో మార్చడం ద్వారా మీరు దంతాలు, నోటి ఆరోగ్యం మాత్రమే కాదు, మీ ఆత్మవిశ్వాసాన్ని, ఆరోగ్యవంతమైన జీవనశైలిని కూడా కాపాడుకోగలరు.
Read also: Sprouted potato: మొలకెత్తిన బంగాళాదుంపలు తినడం వల్ల వచ్చే అనారోగ్య సమస్యలు