మన శరీర ఆరోగ్యాన్ని కాపాడుకోవడానికి, కేవలం సరైన ఆహారం తినడం మాత్రమే కాకుండా, వ్యాయామం కూడా తప్పనిసరి. అందులోనూ వాకింగ్ చాలా మంది నిత్యచర్యలో భాగంగా ఉన్న సాధారణమైన కానీ శక్తివంతమైన వ్యాయామం. అయితే నడక అంటే తప్పకుండా ముందుకే నడవాలనేది ఒక సాధారణ అపోహ. కానీ వెనక్కి నడవడమే (రివర్స్ వాకింగ్) ఒక సైంటిఫిక్ మెతడ్స్ తో కూడిన ప్రయోజనకరమైన వ్యాయామమని తాజా అధ్యయనాలు నిరూపించాయి.
వెనక్కి నడక అంటే ఏమిటి?
వెనక్కి నడకను “రివర్స్ వాకింగ్” లేదా “రెట్రో వాకింగ్” అని పిలుస్తారు. ఇది సాధారణ నడకకు భిన్నంగా కాళ్లను వెనక్కి తీసుకుంటూ నడిచే ప్రక్రియ. ఇది శరీర సంతులనాన్ని మెరుగుపరుస్తుంది, మానసికంగా ఫోకస్ పెరుగుతుంది, మానసిక ఆందోళన తగ్గుతుంది.
కండరాలకు శక్తినివ్వడం
రివర్స్ వాకింగ్లో హామ్స్ట్రింగ్ మరియు గ్లూట్స్ వంటి సాధారణ నడకలో ఎక్కువగా వినియోగం కాకపోయే కండరాలు చురుకుగా పనిచేస్తాయి. దీని వలన కండరాలు బలంగా మారి, శరీరాకృతి మెరుగవుతుంది. కీళ్ల చలనం మెరుగవడం వల్ల వృద్ధాప్య సమయంలో కూడా చురుకుతనం ఉంటుందని నిపుణులు చెబుతున్నారు.
ఒత్తిడి మరియు మానసిక ప్రశాంతత
రెగ్యులర్గా వెనక్కి నడక చేయడం వల్ల మెదడు శారీరక చలనాలను కొత్తగా గ్రహించాల్సి వస్తుంది. ఇది మానసిక కదలికలను, ఏకాగ్రతను పెంచుతుంది. దీనివల్ల ఒత్తిడి తగ్గి మానసిక ప్రశాంతత కలుగుతుంది. ఎడవటానికి, డిప్రెషన్ను తగ్గించుకునేందుకు మంచి సహాయకరమైన వ్యాయామంగా గుర్తింపు పొందింది.
బరువు తగ్గడానికి వేగవంతమైన మార్గం
వెనక్కి నడవడం సాధారణ నడక కంటే ఎక్కువ శ్రమను డిమాండ్ చేస్తుంది. శరీరంలోని ఎనర్జీ వినియోగం ఎక్కువగా ఉండే కారణంగా, ఇది కేలరీలను వేగంగా బర్న్ చేస్తుంది. కేవలం 15-20 నిమిషాల వెనక్కి నడక వల్ల 30-40 నిమిషాల ముందుకు నడకతో సమానమైన ఫలితాలు కనిపించవచ్చు.
మోకాళ్ళ ఆరోగ్యానికి కలిగే లాభాలు
వయసుతో మోకాళ్ళకు వచ్చిన దెబ్బల వల్ల నడక కష్టంగా మారుతుంది. అయితే వెనక్కి నడక మోకాళ్ళకు భారం తక్కువగా పడేలా చేస్తుంది. ఇది ఆస్టియో ఆర్థరైటిస్ వంటి సమస్యల నుండి ఉపశమనం పొందడానికి ఉపయోగపడుతుంది.
శరీరం-మెదడు అనుసంధానం మెరుగవుతుంది
వెనక్కి నడకలో మెదడు సజీవంగా పనిచేయాల్సి ఉంటుంది. ఎందుకంటే ఇది అలవాటు లేని మార్గం. ఈ కొత్త అలవాటుతో మెదడు మరియు శరీరం మధ్య సంబంధం బలోపేతం అవుతుంది. మెమొరీ, లెర్నింగ్, బాడీ అవగాహన మెరుగవుతాయి.
సమతుల్యత మరియు స్థిరత పెరుగుతుంది
వెనక్కి నడక సమయంలో శరీర సమతుల్యతను కాపాడుకోవడం కష్టతరమైన పని. దీన్ని క్రమం తప్పకుండా సాధన చేస్తే, మీరు మీ బాడీ బ్యాలెన్స్ను బాగా మెరుగుపరచుకోవచ్చు. వృద్ధులకు ఇది పడిపోవడం నుంచి రక్షణ కలిగించగలదు.
ఎలా మొదలుపెట్టాలి?
ప్రారంభం: మొదట 5 నిమిషాలు మెల్లగా వెనక్కి నడవడం ప్రారంభించండి.
చూడటానికి సహాయం: ఓపెన్ ప్రదేశంలో, ఎదురుగా మిర్రర్ లేక సహాయకుడి సహాయంతో ప్రారంభించాలి.
ప్రమాదాలు నివారించండి: ఫ్లో స్లిప్పరీగా లేకుండా చూసుకోవాలి. ఎటువంటి అడ్డంకులు లేని ప్రదేశం ఎన్నుకోండి.
క్రమశిక్షణ: రోజు రోజుకు సమయాన్ని మరియు దూరాన్ని పెంచుతూ క్రమంగా అభ్యాసం కొనసాగించాలి. వెనక్కి నడక అనేది ఒక సరికొత్త కోణంలో ఆరోగ్యాన్ని దృష్టిలో ఉంచుకుని రూపొందించబడిన వ్యాయామ పద్ధతి. ఇది శారీరక, మానసికంగా ఎన్నో లాభాలను కలిగించగలదు. మీరు రెగ్యులర్ వాకింగ్కు అదనంగా దీన్ని సమ్మిళితం చేస్తే, ఆరోగ్య ఫలితాలు మరింత వేగంగా వస్తాయని నిపుణుల అభిప్రాయం.