వర్షాకాలం (Rainy season) అనేది ప్రకృతి అందాలకు వరం లాంటిదే. ఎడతెరిపి లేకుండా కురిసే చినుకులు, వర్షపు వాసన, చల్లటి గాలి మనసుకు ఓ కొత్త అనుభూతిని కలుగుతూనే ఉంటుంది. కానీ ఈ వర్షాకాలంలో ఆరోగ్య సంబంధిత సమస్యలు కూడా ఎక్కువగా ఎదురయ్యే అవకాశం ఉంది. దీని వల్ల శరీరంలో రోగనిరోధక శక్తి తగ్గిపోవచ్చు. వాతావరణ మార్పుల వల్ల అనేక వైరల్, బాక్టీరియా ఇన్ఫెక్షన్లు వచ్చే అవకాశం ఉంటుంది. అందుకే వర్షాకాలంలో కొన్ని ప్రత్యేకమైన జాగ్రత్తలు తీసుకోవడం తప్పనిసరి.
తీసుకోవాల్సిన జాగ్రత్తలు
టీ, కాఫీ పరిమితి ఉంచుకోవాలి
వర్షాకాలంలో చలిని తగ్గించుకోవడానికి చాలామంది ఎక్కువ టీ, కాఫీ తాగడం ప్రారంభిస్తారు. వీటిలో కెఫైన్ అధికంగా ఉండటం వల్ల ఇది తాత్కాలికంగా శక్తిని ఇస్తుంది కానీ దీర్ఘకాలంగా తీసుకుంటే నిద్రలేమి, అధిక ఆందోళన, హార్ట్ బీట్ పెరగడం, బీపీ పెరగడం వంటి సమస్యలు వచ్చే అవకాశం ఉంది. దీని బదులు హెర్బల్ టీ, తులసి, అల్లం వంటి సహజ పానీయాలను తీసుకోవడం మంచిది.
వేడి నీటితో స్నానం — తగినంత జాగ్రత్త అవసరం
వర్షాకాలంలో చాలామంది వేడి నీటితో స్నానం చేయాలని కోరుకుంటారు. కానీ దీనికీ కొన్ని పరిమితులు ఉంటాయి. నీటి ఉష్ణోగ్రత 32°C నుండి 37°C మధ్యలో ఉండడం మంచిది. ఎక్కువ వేడి నీరు చర్మాన్ని ఎండబెట్టడం, ఆయిల్ బలాన్స్ తగ్గించడం, ముడతలు పడేలా చేయడం వంటి సమస్యలకు దారితీయవచ్చు.
అధిక నిద్రను నియంత్రించండి
వర్షాకాలంలో చల్లదనం వల్ల పడుకునే అలసత్వం ఎక్కువగా ఉంటుంది. కానీ ఇది ఎక్కువైనంత మాత్రాన ఆరోగ్యానికి మంచిది కాదు. ఒక వ్యక్తికి రోజుకు 7-8 గంటల నిద్ర సరిపోతుంది. దీనికంటే ఎక్కువగా పడుకోవడం శరీరంలో ఉల్లాసాన్ని తగ్గించి, అధిక బరువు సమస్యలను కలిగించవచ్చు.
నీరు తాగడం మరవొద్దు
చలిగా ఉండడం వల్ల దాహం తక్కువగా అనిపించవచ్చు. కానీ శరీరానికి తగినంత నీరు అందకపోతే డీహైడ్రేషన్ సమస్యలు వస్తాయి. రోజు కనీసం 2-3 లీటర్ల వరకు నీరు తాగడం ద్వారా మూత్రపిండాలు, జీర్ణవ్యవస్థ సరిగ్గా పనిచేస్తాయి. ప్రత్యేకంగా గోరువెచ్చని నీరు తాగితే ఇంకా మంచిది.
ఆహారం మీద శ్రద్ధ
వర్షాకాలంలో వ్యాధికారక జీవులు ఎక్కువగా వృద్ధి చెందే అవకాశం ఉంది. ఫ్రెష్ ఫుడ్ తీసుకోవడం, బయట ఆహారం, ఆవిరి పట్టని పదార్థాలను ఎప్పటికీ తినకూడదు. జీర్ణశక్తిని మెరుగుపరిచే అల్లం, పెరుగు, వెల్లుల్లి, తులసి వంటి పదార్థాలను ఎక్కువగా తీసుకోవడం మంచిది.
డెంగ్యూ లాంటి వ్యాధులకు ముందు జాగ్రత్త
వర్షకాలంలో నిలిచిన నీరు మోశన్, డెంగ్యూ, మలేరియా వ్యాధులకు మార్గం కల్పించవచ్చు. ఇంటి వద్ద నీరు నిల్వ ఉండకుండా చూడాలి. దోమల నివారణ చర్యలు తీసుకోవాలి. ఇంటి పరిసరాలను శుభ్రంగా ఉంచాలి.
తడి దుస్తులను వెంటనే మార్చండి
వర్షంలో తడవడం వల్ల చర్మ వ్యాధులు, ఫంగల్ ఇన్ఫెక్షన్లు వచ్చే అవకాశం ఉంది. కాబట్టి తడి దుస్తులను తొందరగా మార్చి, పొడిగా ఉండే దుస్తులు ధరించడం మంచిది.
వ్యాయామాన్ని మానవద్దు
వర్షాకాలం వచ్చిందని అని వ్యాయామాన్ని తగ్గించరాదు. ఇంట్లోనే లైటు యోగా, బ్రిస్క్ వాకింగ్, ప్రాణాయామం చేయడం ద్వారా శరీరంలో రోగనిరోధక శక్తిని పెంచుకోవచ్చు.
వర్షకాలం అందంగా కనిపించినా, శరీరానికి సవాళ్లను కూడా విసురుతుంది. కనుక జాగ్రత్తలు తీసుకుంటే ఆరోగ్యాన్ని కాపాడుకోవచ్చు. తగిన ఆహారం, వ్యాయామం, నిద్ర, పరిశుభ్రత అనేవి దీని కీలకమైన భాగాలు.