News Telugu: జ్వరం తగ్గిన తర్వాత కూడా చాలామందికి దగ్గు సమస్య వెంటాడుతూ ఉంటుంది. ముఖ్యంగా పొడి దగ్గు (Dry Cough) కొన్ని వారాలపాటు కొనసాగి అసౌకర్యాన్ని కలిగిస్తుంది. ఇది ఎందుకు వస్తుంది? ఇంట్లోనే ఎలాంటి జాగ్రత్తలు తీసుకోవాలి? అనే ప్రశ్నలకు వైద్య నిపుణుల సూచనలతో సమాధానాలు తెలుసుకుందాం.
జ్వరం తగ్గినా దగ్గు ఎందుకు వస్తుంది?
వైరల్ ఫీవర్ నుంచి కోలుకున్న తర్వాత శరీరంలో ఇంకా కొన్ని మార్పులు కొనసాగుతాయి. జ్వరానికి కారణమైన వైరస్ శ్వాసనాళాల్లో వాపు (Inflammation) కలిగిస్తుంది. జ్వరం తగ్గినా ఆ వాపు పూర్తిగా తగ్గడానికి సమయం పడుతుంది. ఈ సమయంలో శ్వాసనాళాలు సున్నితంగా మారి చిన్న ప్రేరణకే దగ్గు వస్తుంది. అదనంగా, గొంతులో శ్లేష్మం (Mucus) జారిపోవడం వల్ల ఇరిటేషన్ కలిగి దగ్గు మళ్లీ మళ్లీ వస్తుంది. దీనినే పోస్ట్ వైరల్ కఫ్ లేదా పోస్ట్ నాసల్ డ్రిప్ అంటారు.
పొడి దగ్గు తగ్గించడానికి ఇంటి చిట్కాలు
తేనెతో ఉపశమనం
ఒక గ్లాస్ గోరువెచ్చని నీటిలో ఒక స్పూన్ తేనె కలిపి తాగడం ద్వారా గొంతులో ఇరిటేషన్ తగ్గి ఉపశమనం లభిస్తుంది. తేనెలో సహజ యాంటీబ్యాక్టీరియల్ లక్షణాలు ఉండడం వల్ల దగ్గును తగ్గించడంలో సహాయపడుతుంది.
ఉప్పు నీటితో పుక్కిలించడం
గోరువెచ్చని నీటిలో చిటికెడు ఉప్పు వేసి పుక్కిలిస్తే గొంతు వాపు తగ్గుతుంది. ఇది శ్వాసనాళాల్లోని ఇన్ఫెక్షన్ తగ్గించడంలో కూడా ఉపయోగపడుతుంది.
ఆవిరి పట్టడం
వేడి నీటితో ఆవిరి (Steam with hot water)పట్టడం ద్వారా శ్వాసనాళాలు శుభ్రపడి శ్లేష్మం కరిగిపోతుంది. ఇది గొంతు పొడిబారకుండా కాపాడుతుంది.
నీరు ఎక్కువగా తాగడం
శరీరంలో నీరు తగ్గిపోతే గొంతు పొడిబారుతుంది. కాబట్టి ఎక్కువ నీరు తాగడం ద్వారా దగ్గు తగ్గించుకోవచ్చు.
పొగాకు, కాలుష్యానికి దూరంగా ఉండండి
పొగతాగడం లేదా పొగాకు వాడకం వల్ల పొడి దగ్గు మరింత పెరుగుతుంది. అలాగే దుమ్ము, కాలుష్యం దగ్గును ప్రేరేపిస్తాయి. కాబట్టి వీటిని వీలైనంత వరకు నివారించడం మంచిది.
ఎప్పుడు డాక్టర్ను సంప్రదించాలి?
ఈ చిట్కాలను పాటించినా దగ్గు తగ్గకపోతే, లేదా శ్వాస తీసుకోవడంలో ఇబ్బంది, ఛాతిలో నొప్పి, ఎక్కువ జ్వరం వస్తే వెంటనే వైద్య సలహా తీసుకోవాలి.
Read hindi news: hindi.vaartha.com
Read also: