గోర్లు మన శరీరంలో చిన్న భాగంలా కనిపించినప్పటికీ, అవి ఆరోగ్యాన్ని సూచించే ముఖ్యమైన సంకేతాలివ్వగలవు. సాధారణంగా గోర్లను అందం కోసమే చూసుకుంటారు. కానీ ఆరోగ్య పరంగా కూడా ఇవి కీలకంగా పనిచేస్తాయి. గోళ్ల రంగు, ఆకారం, దృఢత్వం వంటి లక్షణాల ద్వారా శరీరంలో ఉన్న పోషక లోపాలు, వ్యాధులను (Nutritional deficiencies and diseases) గుర్తించవచ్చు.
వంకరగా లేదా చల్లగా ఉండే గోర్లు: ఐరన్ లోప సూచన
మీ గోర్లు వంకరగా మారినా, లేదా పైకి ఎత్తిన ఆకారంలో కనిపించినా – ఇది ఐరన్ లోపం లేదా అనీమియా (రక్తహీనత)కు సంకేతం కావచ్చు. ఈ పరిస్థితిని వైద్య పరంగా “కొయిలోనికియా” అంటారు. ఇది గోళ్ల మీద గోంగళిపింజల వంటివి ఏర్పడేలా చేస్తుంది. ఈ మార్పులను నిర్లక్ష్యం చేయకుండా వైద్య సలహా తీసుకోవాలి.
తరచూ విరిగే గోర్లు: విటమిన్ మరియు ప్రోటీన్ లోపం
గోర్లు సులభంగా విరిగిపోతుంటే లేదా తేలికగా చీలిపోతుంటే – అది జింక్, విటమిన్ A, B-కాంప్లెక్స్ మరియు ప్రోటీన్ లోపాన్ని సూచిస్తుంది. ఇది Brittle Nail Syndrome (BNS) అనే సమస్యకు దారితీస్తుంది. ముఖ్యంగా తగిన పోషకాహారం తీసుకోని వారిలో ఇది ఎక్కువగా కనిపిస్తుంది.
గోళ్లపై నీలం/నలుపు మచ్చలు: మెలనోమా ముప్పు
గోళ్లపై నలుపు లేదా నీలం గీతలు కనిపించడం సాధారణ విషయమేమీ కాదు. ఇవి ఎక్కువగా విటమిన్ B12 లోపంతో సంబంధం ఉన్నా, కొన్ని సందర్భాల్లో ఇది స్కిన్ కేన్సర్ యొక్క ఒక రూపమైన మెలనోమాకి సంకేతంగా మారవచ్చు. అలాంటి మార్పులు కనబడిన వెంటనే డెర్మటాలజిస్ట్ను సంప్రదించాలి.
తెల్లటి మచ్చలు లేదా పాలే గోర్లు: ఫోలేట్, హిమోగ్లోబిన్ లోపం
మీ గోర్లు చాలా తెల్లగా, లేదా పాలరంగులో ఉన్నట్లుగా కనిపిస్తే – ఇది ఫోలేట్, విటమిన్ B12 లేదా హిమోగ్లోబిన్ లోపాన్ని సూచించవచ్చు. ఇటువంటి మార్పులు ఎక్కువగా రక్తంలో ఆక్సిజన్ సరఫరా తక్కువగా ఉండే పరిస్థితులలో కనబడతాయి.
గోర్లను పరిశీలించడం వల్ల ముందస్తు హెచ్చరికలు
గోర్లలో కనిపించే చిన్నచిన్న మార్పులు కూడా, అనేక సందర్భాల్లో పెద్ద ఆరోగ్య సమస్యలకు ముందస్తు హెచ్చరికగా నిలవొచ్చు. సాధారణంగా గోర్లు ఆరోగ్యంగా, మెరిసేలా ఉండాలి. ఏదైనా అసాధారణత కనిపించినట్లయితే, అది పోషకాహార లోపం, రక్తహీనత లేదా మరేదైనా వైద్య సమస్యకు సంకేతం కావచ్చు.
Read hindi news:hindi.vaartha.com
Read also: