kidney disease: హైదరాబాద్ యువతలో ఒక కొత్త కిడ్నీ వ్యాధి (kidney disease) భయాందోళన రేపుతోంది. డయాబెటిస్ లేదా అధిక రక్తపోటు లేకపోయినా కిడ్నీలు తీవ్రంగా దెబ్బతింటున్న ఈ వ్యాధిని వైద్యులు “క్రానిక్ కిడ్నీ డిసీజ్ ఆఫ్ అన్నోన్ ఎటియాలజీ (CKDU)” అని పిలుస్తున్నారు. గతంలో ఇది గ్రామీణ ప్రాంతాల్లో మాత్రమే కనిపించేది. వ్యవసాయ పనులు, ఎండలో పనిచేయడం, డీహైడ్రేషన్, రసాయనాల ప్రభావం వంటి కారణాలు చూపించేవారు. కానీ ఇప్పుడు ఈ వ్యాధి పట్టణ యువతలో వేగంగా వ్యాపిస్తోంది. ముఖ్యంగా చిన్న వ్యాపారాలు, సర్వీస్ రంగాల్లో పనిచేస్తున్న 20 నుంచి 30 ఏళ్ల వయసు వారు ఎక్కువగా ఈ వ్యాధి బారిన పడుతున్నారు. వ్యవసాయానికి సంబంధం లేని వారిలోనూ ఇది కనిపించడం వైద్యులను ఆశ్చర్యానికి గురిచేస్తోంది.
Read also: Healthy foods: రోజువారీ ప్రోబయోటిక్స్ లాభాలు
kidney disease
పరిశోధనల్లో హెర్బల్ మరియు సంప్రదాయ ఔషధాల వాడకం ప్రధాన కారణమై ఉండొచ్చని తేలింది. హైదరాబాద్ (Hyderabad) లో కేసులలో 40 శాతం మంది ఇలాంటి మందులు వాడినట్లు గుర్తించారు. వీటిలో కిడ్నీలను నెమ్మదిగా దెబ్బతీసే రసాయనాలు ఉన్నాయని నిపుణులు సూచిస్తున్నారు. ఈ వ్యాధి ప్రారంభంలో ఎలాంటి లక్షణాలు లేకపోవడం వల్ల, గుర్తించే సమయానికి కిడ్నీలు తీవ్ర నష్టాన్ని ఎదుర్కొంటాయి. చేతులు, కాళ్ల వాపు, నీరసం, ఆకలి తగ్గడం, శ్వాసలో ఇబ్బంది, చర్మం పొడిబారడం వంటి లక్షణాలు బయటపడే సమయానికి డయాలసిస్ లేదా కిడ్నీ మార్పిడి తప్ప మరో మార్గం ఉండదు. అందుకే చిన్నపాటి అసాధారణ లక్షణాలు కనిపించినా వెంటనే వైద్యులను సంప్రదించడం అత్యంత అవసరం.
Read hindi news : hindi.vaartha.com
Epaper : epapervaartha.com
Read Also:
