మన శరీరం ఆరోగ్యంగా ఉండేందుకు ఐరన్ అనే ఖనిజ పదార్థం ఎంత ముఖ్యమో ప్రత్యేకంగా చెప్పాల్సిన పనిలేదు. ముఖ్యంగా మహిళలు, గర్భిణులు, పిల్లలు, వృద్ధులు — వీరిలో ఐరన్ లోపం వల్ల రక్తహీనత అనే సమస్య ఎక్కువగా కనిపిస్తుంది. ఐరన్ లేకపోతే శరీరంలోని ఎర్రరక్తకణాలు తగ్గిపోతాయి. ఫలితంగా శరీరానికి తగినంత ఆక్సిజన్ అందదు. దాంతో వ్యక్తి అలసటగా, నీరసంగా అనిపిస్తుంది. ఈ సమస్యను అధిగమించాలంటే, ప్రొటీన్, కాల్షియం, విటమిన్ సి తో పాటు ఐరన్ పరిపుష్టిగా ఉన్న ఆహార పదార్థాలను రోజువారీ జీవనశైలిలో చేర్చుకోవాలి.
ఐరన్ అధికంగా ఉండే ఆహారాలు, వాటి ప్రయోజనాలు
ఎర్ర మాంసం (Red Meat)
ఎర్ర మాంసం ప్రధానంగా హీమర్ ఐరన్ (Heme Iron) ను కలిగి ఉంటుంది. ఇది శరీరానికి అత్యంత సులభంగా గ్రహించదగిన రూపం. 100 గ్రాముల ఎర్ర మాంసంలో సుమారు 2.7 నుండి 3 మిల్లీగ్రాముల ఐరన్ ఉంటుంది. వారానికి 2 సార్లు తీసుకుంటే రక్తహీనత నివారణలో మంచి ప్రభావం చూపుతుంది.
పాలకూర (Spinach)
పాలకూర లాంటి ఆకుకూరల్లో ఐరన్ తో పాటు విటమిన్ సి, కాల్షియం, మెగ్నీషియం కూడా ఉంటాయి. 100 గ్రాముల పాలకూరలో సుమారు 2.7 మిల్లీగ్రాముల ఐరన్ ఉంటుంది. పాలకూరను వేపలుగా, పచ్చడిగా లేదా సూప్ రూపంలో తీసుకోవచ్చు.
చేపలు (Fish)
సాల్మన్, మాకరెల్, సార్డిన్ వంటి చేపల్లో ఐరన్ తో పాటు ఓమేగా 3 ఫ్యాటీ ఆమ్లాలు ఉంటాయి. ఇవి గుండె ఆరోగ్యానికి, మెదడు అభివృద్ధికి కూడా ఉపయోగపడతాయి. చేపలలో ఉండే ఐరన్ శరీరానికి త్వరగా అరిగిపోతుంది.
బెల్లం (Jaggery)
ప్రాచీన కాలం నుంచే బెల్లాన్ని ఆరోగ్యానికి మేలు చేసే పదార్థంగా పరిగణించేవారు. బెల్లంలో ఐరన్, ఫోలేట్ అధికంగా ఉండటంతో రక్తహీనతను నివారించడంలో బెల్లం సహాయపడుతుంది. రోజుకు చిన్న ముక్క బెల్లం తినడం శక్తిని పెంచుతుంది. ఖర్జూరం, ఎండుద్రాక్ష, అంజీర్, ఆఫ్రికాట్ వంటి ఎండుపండ్లలో ఐరన్తో పాటు ఫైబర్ మరియు శక్తినిచ్చే ప్రాకృతి చక్కెరలు ఉంటాయి. ఉదయం నిమ్మరసం లేదా పాల్లో నానబెట్టి తీసుకుంటే ఐరన్ శోషణ పెరుగుతుంది.
గుమ్మడి గింజలు (Pumpkin Seeds)
చిన్న చిన్న గింజలైనా ఐరన్ పరంగా పెద్ద ప్రయోజనం కలిగించగలవు. 100 గ్రాముల గుమ్మడి గింజల్లో సుమారు 8.8 మిల్లీగ్రాముల ఐరన్ ఉంటుంది. వీటిని నేరుగా లేదా పొడి చేసి వంటల్లో కలిపి తీసుకోవచ్చు.
నల్ల నువ్వులు (Black Sesame Seeds)
ఐరన్ తో పాటు నువ్వుల్లో కాల్షియం, మెగ్నీషియం మరియు విటమిన్ B6 ఉన్నాయి. 100 గ్రాముల నల్ల నువ్వుల్లో సుమారు 13.9 మిల్లీగ్రాముల ఐరన్ ఉంటుంది. వీటిని చట్నీ రూపంలో తీసుకోవచ్చు.
మెంతులు (Fenugreek Seeds)
మెంతులు ఆరోగ్యానికి మేలు చేసే సూపర్ ఫుడ్. ఐరన్ తో పాటు ఫైబర్, యాంటీఆక్సిడెంట్లు కూడా ఉంటాయి. వీటిని ముద్ద, సూప్ లేదా పప్పుల్లో చేర్చడం ఉత్తమం. మెంతుల కషాయం రక్తాన్ని శుద్ధి చేస్తుంది.
పప్పులు మరియు ధాన్యాలు (Legumes & Grains)
తుర్ దాల్, మినపప్పు, చనగపప్పు లాంటి పప్పుల్లో ఐరన్ తో పాటు ప్రోటీన్, ఫైబర్, ఫోలేట్ వంటి అనేక పోషకాలు ఉంటాయి. వీటిని వంటల రూపంలో తీసుకోవడం ద్వారా శరీరానికి పూర్తి పోషణ లభిస్తుంది. ఐరన్ తక్కువగా ఉన్నవారికి మంచి ఆల్టర్నేటివ్. 100 గ్రాముల తక్కువ చక్కెర కలిగిన డార్క్ చాక్లెట్ లో 11.9 మిల్లీగ్రాముల ఐరన్ ఉంటుంది. ఇది మూడ్ బూస్టర్గా పనిచేస్తుంది మరియు శక్తిని పెంచుతుంది. శరీరంలో ఆక్సిజన్ సరైన మార్గంలో ప్రసరించకపోతే అలసట, శ్వాసకోశ సమస్యలు కూడా రావచ్చు. పై చెప్పిన ఐరన్ పుష్కలంగా ఉన్న పదార్థాలను ఆహారంలో చేర్చడం ద్వారా ఈ సమస్యలను సమర్థవంతంగా ఎదుర్కోవచ్చు.
Read also: Hibiscus flower: మందార పువ్వుతో సిల్కీ హేయిర్ తో పాటు మెరిసే అందం
