Health: స్టమక్ కాన్సర్ లక్షణాలు ..నివారణ

క్యాన్సర్(Cancer) అనేది చాలా మందిని వేధిస్తున్న అతిపెద్ద సమస్యల్లో ఒకటి. ప్రస్తుతం క్యాన్సర్ కేసులు రోజురోజుకు పెరుగుతున్నాయి, దీనికి ముఖ్య కారణాలు ఆహారపు అలవాట్లు, జీవనశైలి. అనేక రకాల క్యాన్సర్లలో ఒకటి కడుపు క్యాన్సర్ (Gastric Cancer), దీనిని ‘సైలెంట్ కిల్లర్’ అని కూడా అంటారు. ఎందుకంటే ఈ క్యాన్సర్ ప్రాణాంతక దశకు చేరుకునే వరకు లక్షణాలు అంతగా బయటపడవు. ముఖ్యంగా, దీని లక్షణాలు సాధారణ కడుపు సమస్యల మాదిరిగా ఉండటం వలన చాలా మంది వీటిని విస్మరించి, ప్రమాదంలో పడుతున్నారు.

కడుపు క్యాన్సర్ ప్రాథమిక లక్షణాలు

ఆరోగ్య నిపుణుల ప్రకారం, కడుపు క్యాన్సర్ ఉన్నవారిలో కనిపించే ప్రాథమిక లక్షణాలు ఇవి:

ఆకలి లేకపోవడం, బరువు తగ్గడం: ఆకలి రోజురోజుకు నశించిపోవడం లేదా పూర్తిగా ఆకలి లేకుండా పోవడం, దీనికి తోడు విపరీతంగా బరువు తగ్గడం ప్రధాన లక్షణం.
మింగేటప్పుడు నొప్పి: ఆహారాన్ని మింగేటప్పుడు నొప్పి లేదా ఇబ్బంది కలగడం.
పొత్తికడుపు నొప్పి: పొత్తికడుపు పై భాగంలో లేదా నాభిపై తరచుగా నొప్పి రావడం.

జీర్ణక్రియ సమస్యలు, ఇతర లక్షణాలు

భోజనం చేసిన వెంటనే అజీర్ణం, గ్యాస్, గుండెల్లో మంట వంటి సమస్యలు ఎక్కువ రోజులు కొనసాగితే ఆలస్యం చేయకుండా వైద్యుడిని సంప్రదించాలి. ఇవి కడుపు క్యాన్సర్‌కు దారి తీసే అవకాశం ఉంది.

వికారం, వాంతులు: నిరంతరం వికారం, వాంతులు లేదా రక్తంతో కూడిన వాంతులు రావడం.
కడుపు నిండిన భావన: కొంచెం తిన్నా కడుపు నిండిన భావన కలగడం, కడుపు ఉబ్బరం లేదా బరువుగా అనిపించడం.
రక్తహీనత, అలసట: రక్తహీనత, నిరంతర అలసట, బలహీనత.
మలంలో మార్పులు: మలంలో మార్పులు కనిపించడం లేదా మల విసర్జన నలుపు రంగులో ఉండటం.