చాలా మంది నిద్రలేమిని మాత్రమే ఆరోగ్య సమస్యగా భావిస్తారు. కానీ, తాజా పరిశోధనలు ఒక కొత్త నిజాన్ని బయటపెట్టాయి. అతి నిద్ర (over sleep)కూడా శరీరానికి తలపెడే ప్రమాదాలు తక్కువవికాదు. ఆధునిక జీవనశైలి కారణంగా, చాలా మంది రాత్రిపూట ఆలస్యంగా నిద్రపోతుంటే, ఉదయాన్నే ఆలస్యంగా మేల్కొంటున్నారు. అయితే ఇది ఆరోగ్యాన్ని ఎంతగా ప్రభావితం చేస్తుందో తాజా అధ్యయనాలు స్పష్టంగా వెల్లడించాయి.
ఎంతసేపు నిద్రపోతున్నామన్నదే కీలకం
ఒకరు నిద్రలేవడం ఆలస్యంగా చేయడం కన్నా, ఎంత గంటలు నిద్రపోతున్నామన్నది మరింత ముఖ్యమని నిపుణులు హెచ్చరిస్తున్నారు. పబ్మెడ్లో ప్రచురితమైన ఒక సమీక్షలో, రాత్రికి 9 గంటల కంటే ఎక్కువ నిద్రపోయే వ్యక్తులకు, ఆరోగ్యకరమైన 7–8 గంటల నిద్రపోయే వారితో పోలిస్తే, 34 శాతం అధిక మరణ ప్రమాదం ఉందని తేలింది. మిగతా వారికి 14 శాతం మాత్రమే. ప్రత్యేకంగా మహిళలు ఈ విషయంలో మరింత ప్రభావితమవుతున్నారు.
మంచి నిద్ర వల్ల లాభాలే లాభాలు
నిద్ర అనేది శరీరానికి విశ్రాంతినిచ్చే ప్రక్రియ మాత్రమే కాదు. ఇది జ్ఞాపకశక్తిని మెరుగుపరుస్తుంది, మానసిక స్థితిని సవ్యంగా ఉంచుతుంది, గుండె ఆరోగ్యాన్ని కాపాడుతుంది, జీవక్రియ (metabolism)ని సమతుల్యంలో ఉంచుతుంది. అమెరికన్ స్లీప్ ఫౌండేషన్ ప్రకారం, తగిన నిద్ర శరీరంపై రోగనిరోధక శక్తిని పెంచుతుంది, రక్తంలో చక్కెర స్థాయిని నియంత్రిస్తుంది.
ఎక్కువ నిద్ర వల్ల కలిగే ప్రమాదాలు
అధికంగా నిద్రపోవడం వల్ల కొన్ని దీరఘకాలిక ఆరోగ్య సమస్యలు ఎదురయ్యే అవకాశాలు ఉన్నాయి. వీటిలో మానసిక అస్పష్టత (cognitive decline), మూడ్ స్వింగ్స్, జ్ఞాపకశక్తి లోపం మొదలైనవి ఉన్నాయి. శరీరానికి అవసరమైన నిద్ర సమయం ప్రతి ఒక్కరికీ భిన్నమైనా, సాధారణంగా 7 నుంచి 9 గంటల నిద్రే ఆరోగ్యానికి అనుకూలమని నిపుణులు సూచిస్తున్నారు. ఒకే స్థిరమైన నిద్ర సమయాన్ని పాటించకపోతే శరీరం గందరగోళానికి లోనవుతుంది.
మంచి నిద్ర కోసం పాటించాల్సిన చిట్కాలు
స్థిరమైన నిద్ర వేళల్ని పాటించండి
రోజూ ఒకే సమయంలో నిద్రపోవడం, ఒకే సమయంలో మేలుకోవడం శరీర గడియారాన్ని సమతుల్యంలో ఉంచుతుంది. వారాంతాల్లోనూ ఈ అలవాటు తప్పక పాటించాలి.
నిద్ర ముందు గాడ్జెట్లకు గుడ్బై చెప్పండి
స్మార్ట్ఫోన్లు, ల్యాప్టాప్లు, టీవీ వంటి స్క్రీన్ల నుండి వచ్చే బ్లూ లైట్ మీ నిద్ర హార్మోన్లను దెబ్బతీయవచ్చు. నిద్రించడానికి కనీసం గంట ముందు వీటిని దూరంగా ఉంచడం మంచిది.
ఉదయం సూర్యకాంతిని అందించండి
ఉదయం వెలుతురు పొందడం ద్వారా మీ శరీర గడియారం సహజంగా రీసెట్ అవుతుంది. ఒక చిన్న వాకింగ్, లేదా కిటికీ దగ్గర కూర్చోవడం చాలా ప్రయోజనకరం.
Read hindi news: hindi.vaartha.com
Read Also: