DNA life expectancy study : మన ఆయుష్షు ఎంత ఉంటుందనేది కేవలం ఆహారం, వ్యాయామంపైనే ఆధారపడుతుందని ఇప్పటివరకు భావించేవాళ్లం. కానీ తాజా పరిశోధనలు ఈ అంచనాలను పూర్తిగా మార్చేశాయి. ప్రముఖ శాస్త్రీయ జర్నల్ Science లో ప్రచురితమైన అధ్యయనం ప్రకారం.. ఒక వ్యక్తి ఎంతకాలం జీవిస్తాడో నిర్ణయించడంలో జన్యువులు, అంటే మన డీఎన్ఏ, దాదాపు 55 శాతం వరకు ప్రభావం చూపుతాయని తేలింది.
ఈ పరిశోధనను Weizmann Institute of Science శాస్త్రవేత్తలు నిర్వహించారు. డెన్మార్క్, స్వీడన్ దేశాలకు చెందిన వేలాది కవలల జీవితకాల సమాచారాన్ని విశ్లేషించి ఈ ఫలితాలను వెల్లడించారు. ప్రమాదాలు, హింస, ఇన్ఫెక్షన్లు వంటి బాహ్య కారణాలను పక్కనపెట్టి, సహజ మరణాలపై మాత్రమే దృష్టి పెట్టినప్పుడు జన్యువుల పాత్ర స్పష్టంగా బయటపడింది.
Read Also: Airtel : ఎయిర్ టెల్ యూజర్లకు భారీ షాక్
అయితే దీని అర్థం వ్యాయామం, మంచి ఆహారం అవసరం లేదనేది కాదు. జన్యువులు మన ఆయుష్షుకు గరిష్ఠ పరిమితి నిర్ణయిస్తే, ఆరోగ్యకరమైన జీవనశైలి ఆ పరిమితి వరకు ఆరోగ్యంగా బతికేలా సహాయపడుతుంది. చెడు అలవాట్లు ఉంటే జన్యుపరంగా ఉన్న అవకాశాన్ని కూడా కోల్పోవాల్సి వస్తుంది.
భారతీయ పరిస్థితుల్లో కాలుష్యం, జంక్ ఫుడ్, ఒత్తిడి, మధుమేహం, ఊబకాయం వంటి సమస్యలు ఆయుష్షును తగ్గిస్తున్నాయని నిపుణులు హెచ్చరిస్తున్నారు. కుటుంబంలో పెద్దలు ఎక్కువ కాలం జీవించి ఉంటే, మీకు కూడా దీర్ఘాయువు జన్యువులు ఉండే అవకాశం ఉంది. అయితే వాటిని కాపాడుకోవడం మీ జీవనశైలిపైనే ఆధారపడి ఉంటుంది.
Read hindi news : hindi.vaartha.com
Epaper : epapervaartha.com
Read Also:
