ప్రపంచవ్యాప్తంగా మధుమేహం (డయాబెటిస్) ఒక అత్యంత వేగంగా పెరుగుతున్న జీవనశైలి వ్యాధిగా మారింది. ప్రపంచ ఆరోగ్య సంస్థ (WHO) తెలిపిన మేరకు, 830 మిలియన్లకు పైగా ప్రజలు డయాబెటిస్తో బాధపడుతున్నారు. మొదట్లో ఈ వ్యాధి తేలికగా కనిపించదు. కానీ కొన్ని ప్రాథమిక సంకేతాలు మన శరీరం పంపిస్తుంది. వాటిని సమయానికి గుర్తించి చర్యలు తీసుకుంటే, దీర్ఘకాలిక ఆరోగ్య సమస్యల నుంచి తప్పించుకోవచ్చు.
డయాబెటిస్ అంటే ఏంటి?
డయాబెటిస్ అనేది శరీరంలో గ్లూకోజ్ (చక్కెర) స్థాయి ప్రమాదకరంగా పెరిగే స్థితి. ఇది ఇన్సులిన్ హార్మోన్ లోపం వల్ల కలుగుతుంది. శరీరం గ్లూకోజ్ను శక్తిగా మార్చలేకపోతే, కణాలు శక్తిలేని స్థితిలోకి వెళ్లిపోతాయి. దీని వల్ల అనేక శారీరక లక్షణాలు ఉత్పన్నమవుతాయి.
మొదట గుర్తించదగిన లక్షణాలు ఇవే
తరచుగా మూత్రం వెళ్లడం
శరీరం అధిక చక్కెరను బయటకు పంపేందుకు ఎక్కువగా మూత్రాన్ని ఉత్పత్తి చేస్తుంది. ఈ లక్షణం చాలామందిలో మొదట కనిపించే సంకేతం. దీని ఫలితంగా డీహైడ్రేషన్(Dehydration), అధిక దాహం కూడా తలెత్తుతుంది.
ఆకస్మికంగా బరువు తగ్గడం
వ్యాయామం లేకుండా లేదా డైట్ మార్చకుండానే బరువు తగ్గితే, అది మధుమేహానికి సంకేతం కావచ్చు. శరీరం శక్తి కోసం కండరాలు, కొవ్వును తినడం ప్రారంభిస్తుంది.
అలసట మరియు బలహీనత
గ్లూకోజ్ను శక్తిగా మార్చలేకపోతే, శరీర కణాలు తక్కువ శక్తితో పనిచేస్తాయి. దీని వల్ల వ్యక్తి నిరంతరం అలసట, ఉత్సాహాహీనత అనుభవిస్తాడు.
అధిక ఆకలి
శక్తి లేకపోవడం వల్ల శరీరం మరిన్ని ఆకలి సంకేతాలు పంపుతుంది. తిన్నా తృప్తి లేకపోవడం, కానీ బరువు తగ్గుతుండడం – ఇది ప్రీడయాబెటిస్ లక్షణంగా పరిగణించవచ్చు.
డయాబెటిస్ ప్రభావితలు
నిర్వహణలో నిర్లక్ష్యం చేస్తే, డయాబెటిస్ కళ్ళు, మూత్రపిండాలు, గుండె, నరాలు వంటి ముఖ్యమైన అవయవాలను దెబ్బతీయవచ్చు. దీర్ఘకాలంలో ఇది గుండెపోటులు, మూత్రపిండాల వైఫల్యం, చూపు నష్టం వంటి సమస్యలకు దారితీస్తుంది.
ఏమి చేయాలి?
మీకు పై లక్షణాలేవైనా కనిపిస్తే:
- వెంటనే బ్లడ్ షుగర్ టెస్టు చేయించుకోండి
- వైద్యుని సలహా తీసుకోండి
- ఆరోగ్యకరమైన జీవనశైలిని చేపట్టండి
- వ్యాయామం, నియమిత ఆహారం, ఒత్తిడి నివారణకు ప్రాధాన్యం ఇవ్వండి
Read hindi news: hindi.vaartha.com
Read Also: