Black Carrot: బ్లాక్ క్యారెట్ ఆరోగ్య పోషకాలు

సాధారణంగా మనం ఆరెంజ్ రంగు క్యారెట్లను మాత్రమే చూసి ఉంటాం. క్యారెట్ అంటే మనకు గుర్తొచ్చే రంగు కూడా అదే. కానీ ప్రకృతిలో నలుపు రంగు క్యారెట్లు (Black Carrot) కూడా ఉన్నాయి. చాలా మందికి ఇవి తెలిసినా, వీటి ఆరోగ్య ప్రయోజనాలు తెలియదు. ఉత్తర భారతదేశంలో విస్తృతంగా పండించే ఈ క్యారెట్లను ఇప్పుడు దక్షిణ భారతదేశంలోని తమిళనాడులోనూ పైలట్ ప్రాజెక్ట్‌గా సాగు చేస్తున్నారు. ఢిల్లీ నుండి విత్తనాలు తెచ్చి, కున్నూర్‌లోని సిమ్స్ పార్క్ నర్సరీలో అటవీశాఖ అధికారులు వీటిని పెంచుతున్నారు.

బ్లాక్ క్యారెట్ సాగు & వినియోగం

ఈ క్యారెట్ల((Black Carrot)) పంటకు సుమారు 3 నుంచి 3.5 నెలలు పడుతుంది. ఉత్తర భారతదేశంలో వీటిని కేకులు మరియు అనేక వంటకాలలో ఉపయోగిస్తారు. రోజువారీ ఆహారంలో కూడా చాలామంది వీటిని చేర్చుకుంటున్నారు. ఆరెంజ్ క్యారెట్‌ల మాదిరిగానే బ్లాక్ క్యారెట్‌లలో కూడా అధిక పోషకాలు ఉండి, శరీరానికి అనేక రకాలుగా మేలు చేస్తాయి.

100 గ్రాముల బ్లాక్ క్యారెట్‌లో ఉన్న పోషకాలు:

కేలరీలు: 35
కార్బ్స్: 8.5 గ్రాములు
ఫైబర్: 2.9 గ్రాములు
ప్రోటీన్: 1 గ్రాము
విటమిన్ C & పొటాషియం: పుష్కలంగా

శీతాకాలంలో బ్లాక్ క్యారెట్ ఎందుకు ప్రత్యేకం?

వైద్యుల ప్రకారం, శీతాకాలం ఈ క్యారెట్లను తినడానికి అనువైన కాలం. ఈ సీజన్‌లో అవి తాజాగా లభించడమే కాకుండా, వాటిలోని యాంటీఆక్సిడెంట్లు, విటమిన్ C వలన జలుబు, ఫ్లూ వంటి సీజనల్ వ్యాధుల నుండి రక్షణ లభిస్తుంది. అలాగే కాలుష్య ప్రభావాలను తగ్గించడంలో కూడా ఇవి సహాయపడతాయి.

బ్లాక్ క్యారెట్ ఆరోగ్య ప్రయోజనాలు

1. జీర్ణక్రియను మెరుగుపరుస్తాయి

బ్లాక్ క్యారెట్లలో ఉన్న అధిక ఫైబర్ జీర్ణక్రియను మెరుగుపరచి మలబద్ధకం వంటి సమస్యలను తగ్గిస్తుంది. శీతాకాలంలో ఇవి క్రమం తప్పకుండా తీసుకుంటే జీర్ణ వ్యవస్థ సక్రమంగా పనిచేస్తుంది.