Overthinking: ఓవర్ థింకింగ్ ఎంత ప్రమాదమో తెలుసా? నిపుణులు ఏమంటున్నారంటే!

Sharanya | Updated on: Jul 27, 2025 | 3:12 PM

వాట్సాప్‌లో ఫాలో అవండి

ఒక మనిషి శారీరకంగా అలసిపోతే విశ్రాంతి తీసుకోవడం సహజం. కానీ మానసికంగా అలసిపోయే స్థాయిలో నిరంతరంగా ఆలోచిస్తూ ఉండటం, అంటే “ఓవర్ థింకింగ్”, (Overthinking) అనేక ఆరోగ్య సమస్యలకు దారితీస్తుందని నిపుణులు హెచ్చరిస్తున్నారు. ఇది చిన్న విషయాన్ని పెద్ద సమస్యగా మార్చి, మన ఆత్మవిశ్వాసాన్ని హరించే ప్రమాదకరమైన మానసిక స్థితిగా అభివర్ణిస్తున్నారు.

ఓవర్ థింకింగ్ అంటే ఏమిటి?

సాధారణంగా మనం రోజూ ఎన్నో విషయాలపై ఆలోచిస్తాం. కానీ, జరిగిన సంఘటనలపై లేదా జరగకపోయే పరిణామాలపై పదే పదే తలచుకుంటూ ఆలోచించడమే( think over) ఓవర్ థింకింగ్ (Overthinking). ఇది మనసులో భయాలు, సందేహాలు పెంచి మానసిక ఒత్తిడికి కారణమవుతుంది. ముఖ్యంగా, స్వల్ప అంశాలపైనా ఎక్కువగా ప్రభావితమవడం, ఆలోచనల ఊహాజనిత ధోరణిలో చిక్కిపోవడం దీని లక్షణాలు.

ఒక చిన్న మెసేజ్ వచ్చినా, ఎవరి స్పందన తీరైనా, మనలోని కొందరు దాని గురించి ఎక్కువగా ఆలోచిస్తూ విలువైన సమయాన్ని వృథా చేస్తారు. ఇది ఓ ఎమోషనల్ ట్రాప్ లాంటిది. తామే తామే ఆలోచనల వలయంలో పడిపోయి, అసలైన సత్యం నుంచి దూరమవుతారు. ఇది బలహీనతకే, అలవాటు అవడం వల్ల వచ్చే మానసిక సంక్షోభం.

ఫోకస్ కోల్పోవడం

ఓవర్ థింకింగ్ వల్ల నిద్రలో అంతరాయం, దైనందిన పనుల్లో నిర్లక్ష్యం, వ్యక్తిగత జీవితంలో అసంతృప్తి కలుగుతుంది. మానసిక అలసట ఎక్కువైనప్పుడు, మెదడు అదే ఆలోచనలను తిరిగి తిరిగి ప్రాసెస్ చేస్తూ కొత్త ఆలోచనలకు స్థలం కల్పించదు. ఇది వ్యక్తిగత పురోగతిని తారుమారు చేస్తుంది.

సమస్య నుంచి బయటపడే మార్గాలు

ఆలోచనలను వ్రాయండి

మనసులో ఉన్న ఆందోళనలను ఓ పేపర్‌ పై రాయడం (Writing down concerns of paper) వల్ల మానసికంగా తగ్గుతుంది. ఇది ఆలోచనలను సుస్పష్టంగా అర్థం చేసుకోవడానికి సహాయపడుతుంది.

నియతమైన ఆలోచన సమయం

ఒక సమస్య గురించి ఆందోళన కలిగినప్పుడు 15-20 నిమిషాలు ప్రత్యేకంగా ఆలోచించేందుకు కేటాయించండి. ఆ తర్వాత దానిపై దృష్టిని తొలగించి ఇతర విషయాలపై దృష్టిపెట్టండి.

శారీరక చలనం

వాకింగ్, మ్యూజిక్ వినటం, ముఖాన్ని చల్లని నీటితో కడుక్కోవడం వంటి చర్యలు మానసిక ఒత్తిడిని తగ్గిస్తాయి.

ఆలోచనల వలయం నుంచి బయటపడండి

ఒకే అంశంపై పదే పదే ఆలోచించడం ఓ వృత్తంలో తిరిగేలా ఉంటుంది. ఆ వృత్తం నుంచి బయటపడే ప్రయత్నం చేయాలి – ముందుకు సాగే ఆత్మవిశ్వాసం కలిగి ఉండాలి.

90:10 నిబంధన పాటించండి

నిర్ణయాలను తీసుకునేటప్పుడు 90 శాతం స్వీయ విశ్లేషణ, 10 శాతం ఇతరుల అభిప్రాయానికి ప్రాధాన్యత ఇవ్వాలి. ఇతరుల మాటల్ని గుండెల్లో వేసుకుని తమ భావోద్వేగాలను పట్టించుకోకపోవడం ఓవర్ థింకింగ్ కు నాంది పలుకుతుంది.

సానుకూల దృష్టిని పెంపొందించండి

భవిష్యత్తుపై భయంతో, గతాన్ని తలచుకుంటూ వున్నవారు ఎక్కువగా ఓవర్ థింకింగ్ కు గురవుతారు. “ఎప్పుడూ మంచే జరుగుతుంది” అనే ధృక్పథం కలిగితే ఆందోళన తగ్గుతుంది.

ప్రస్తుత క్షణాన్ని ఆస్వాదించండి

గతం గురించి బాధపడటం, రానున్న భవిష్యత్తును ఊహిస్తూ భయపడటం మానేసి, ప్రస్తుతం జరుగుతున్న విషయాల్లో నిమగ్నం కావడం మానసిక ప్రశాంతతకు దోహదం చేస్తుంది. మిత్రులతో కలిసి మాట్లాడడం, సామాజికంగా కలిసిమెలిసి జీవించడం ఒంటరితనాన్ని తగ్గిస్తుంది.

ఓవర్ థింకింగ్ అంటే ఏమిటి?

ఓవర్ థింకింగ్ అంటే ఒకే విషయం గురించి పదే పదే ఆలోచించడం, జరిగినా లేదా జరగనివిషయాలపై అనవసరంగా ఎక్కువగా తలపోవడం. ఇది మనసులో గందరగోళాన్ని, ఒత్తిడిని పెంచుతుంది.