News Telugu: ఇటీవలి కాలంలో దేశవ్యాప్తంగా కుక్కల దాడులు పెరుగుతున్నాయి. అనేక మంది పిల్లలు, పెద్దలు ఈ దాడుల్లో ప్రాణాలు కోల్పోయిన సంఘటనలు చోటు చేసుకున్నాయి. ఈ పరిస్థితిపై సుప్రీం కోర్టు సైతం ఆందోళన వ్యక్తం చేసింది. కుక్క కాటు (dog bite) జరిగితే ఏం చేయాలి? ఎలాంటి చికిత్సలు తీసుకోవాలి? ఎన్ని ఇంజెక్షన్లు అవసరం? అనే అంశాలను ఇప్పుడు పరిశీలిద్దాం.
కుక్క కాటుకు మూడు దశలు
కుక్క కాటును వైద్యపరంగా మూడు దశలుగా విభజిస్తారు.
మొదటి దశ:
చర్మంపై కేవలం గీతలు పడే స్థితి. సాధారణంగా ఇలాంటి గాయాలపై చాలామంది పసుపు, వంటి ఇంటి చిట్కాలను వాడుతారు. కానీ ఇవి ఇన్ఫెక్షన్ను పెంచే ప్రమాదం ఎక్కువని వైద్యులు హెచ్చరిస్తున్నారు. ఇలాంటి సమయంలో గాయాన్ని శుభ్రమైన నీటితో కనీసం 5-10 నిమిషాలు కడిగి, తర్వాత యాంటీసెప్టిక్ క్రీమ్ రాయాలి.
రెండవ దశ:
ఈ దశలో కుక్క దంతాలు లోపలికి దిగిపోతాయి. గాయం లోతుగా ఉంటుంది.
మూడవ దశ:
ఈ దశలో మాంసం బయటకు వచ్చేంత తీవ్రత ఉంటుంది. ఇలాంటి పరిస్థితుల్లో గాయాన్ని ముందుగా నీటితో శుభ్రం చేసి, రేబిస్ ఇమ్యునోగ్లోబులిన్ (Rabies Immunoglobulin) ఇంజెక్షన్ తీసుకోవాలి. అలాగే పోవిడోన్-అయోడిన్ (Povidone-Iodine) వంటి ద్రావణంతో గాయాన్ని శుభ్రం చేసి, తర్వాత యాంటీసెప్టిక్ మందులు వాడటం తప్పనిసరి.
టెటనస్ మరియు కుట్ల విషయంలో జాగ్రత్తలు
రెండవ, మూడవ దశల్లో గాయాలు లోతుగా ఉండే అవకాశం ఎక్కువ. ఇలాంటి పరిస్థితుల్లో టెటనస్ వచ్చే ప్రమాదం అధికంగా ఉంటుంది. అందుకే టెటనస్ ఇంజెక్షన్ తప్పనిసరిగా తీసుకోవాలి.
చాలామంది మాంసం బయటకు కనిపించినప్పుడు కుట్లు వేయించుకోవాలని భావిస్తారు. కానీ డాక్టర్ల ప్రకారం కుక్క కాటు గాయాలకు కుట్లు వేయడం హానికరం. బదులుగా యాంటీబయోటిక్ మందులు వాడటం మంచిది.
ఎప్పుడు, ఎన్ని ఇంజెక్షన్లు అవసరం?
కుక్క కాటు జరిగిన వెంటనే వైద్యుడిని సంప్రదించడం ప్రాణాపాయం నుంచి రక్షించే ప్రధాన మార్గం. పోస్ట్ ఎక్స్పోజర్ ప్రొఫిలాక్సిస్ (Post Exposure Prophylaxis) చికిత్సలో భాగంగా ఐదు డోసుల రేబిస్ టీకా ఇస్తారు.
- మొదటి డోస్: కుక్క కాటిన రోజే
- రెండవ డోస్: 3వ రోజు
- మూడవ డోస్: 7వ రోజు
- నాలుగవ డోస్: 21వ రోజు
- ఐదవ డోస్: అవసరమైతే 28వ రోజు
నిర్లక్ష్యం చేయరాదు
కుక్క కాటు చిన్న గాయం అనుకున్నా నిర్లక్ష్యం చేయడం ప్రమాదకరం. వెంటనే గాయాన్ని శుభ్రం చేసి, వైద్యుడిని సంప్రదించి, అవసరమైన టీకాలు వేసుకోవాలి. ఇలా చేస్తే రేబిస్ వంటి ప్రాణాంతక వ్యాధుల నుండి తప్పించుకోవచ్చు.
Read hindi news: hindi.vaartha.com
Read also:
