హైపోటెన్షన్ అనగా తక్కువ రక్తపోటు, ఇది శరీరానికి తీవ్రమైన ప్రతికూల ప్రభావాలను కలిగించవచ్చు. రక్తపోటు 90/60 mmHg కంటే తక్కువగా ఉన్నప్పుడు, అది హైపోటెన్షన్గా పరిగణించబడుతుంది. ఇది గుండె, మెదడు, మూత్రపిండాలు, ఊపిరితిత్తుల పనితీరుపై ప్రభావం చూపించి, తీవ్రమైన ఆరోగ్య సమస్యలకు దారితీస్తుంది.సాధారణంగా, మనం అధిక రక్తపోటు (హైబీపీ) గురించి ఎక్కువగా చర్చిస్తాం. అయితే, తక్కువ రక్తపోటు(లోబీపీ) కూడా సమానమైన ముప్పును కలిగిస్తుంది. ఇది నీరసం, చీకటి కళ్ళు, గుండె వేగంగా కొట్టుకోవడం, అపస్మారక స్థితికి దారి తీసే అవకాశం కలిగిస్తుంది. దీన్ని సమర్థవంతంగా నియంత్రించడానికి, కొన్ని ప్రత్యేకమైన ఆహార పదార్థాలను తీసుకోవడం ముఖ్యం.
ఆహార పదార్థాలు
కాఫీ:
మీరు ఎక్కువ సేపు ఆహారం తీసుకోకపోతే, రక్తపోటు తగ్గే అవకాశం ఉంది. అటువంటి సందర్భంలో, కాఫీ తాగడం ఉత్తమ పరిష్కారం.కాఫీలో ఉండే కెఫిన్ రక్తనాళాలను కుదించి, రక్తపోటును తక్షణమే పెంచుతుంది.
ఉప్పు:
ఉప్పులో సోడియం ఉండటం వల్ల, ఇది రక్తపోటును పెంచుతుంది.మీరు ఉప్పును నిమ్మకాయ నీటితో లేదా అన్నంతో కలిపి తీసుకోవచ్చు.
బాదం:
బాదంపప్పులో పోషకాలు శరీరానికి తక్షణ శక్తిని అందిస్తాయి.రాత్రిపూట కొన్ని బాదంపప్పులను నీటిలో నానబెట్టి, ఉదయాన్నే వాటిని తినడం వల్ల రక్తపోటు స్థిరంగా ఉంటుంది.
నీరు:
నీటి కొరత రక్తపోటును మరింత తగ్గించే ప్రమాదం ఉంది.రోజుకు కనీసం 2-3 లీటర్ల నీటిని తాగడం వల్ల శరీరం హైడ్రేటెడ్గా ఉంటుంది.కొబ్బరి నీరు లేదా నిమ్మకాయ నీరు తాగడం ద్వారా ఎలక్ట్రోలైట్ స్థాయులు సమతుల్యంగా ఉంటాయి.
తక్కువ రక్తపోటును నివారించేందుకు సూచనలు
తరచూ తక్కువ మోతాదుల్లో భోజనం చేయండి – దీని వల్ల రక్తంలో గ్లూకోజ్ స్థాయి స్థిరంగా ఉంటుంది.సోడియం ఎక్కువగా ఉన్న ఆహారాలను మితంగా తీసుకోవాలి – ఇది రక్తపోటును సహజంగా పెంచుతుంది.మితమైన వ్యాయామం చేయడం – రక్తప్రసరణ మెరుగుపడి, లోబీపీ సమస్య తగ్గుతుంది.అత్యధిక వేడి లేదా డీహైడ్రేషన్ను నివారించండి – వేడి వాతావరణంలో ఎక్కువ నీరు తాగడం అవసరం.
వైద్యులను సంప్రదించాలి
తరచూ మూర్ఛ, తలనొప్పి, గుండె వేగంగా కొట్టుకోవడం లేదా అపస్మారక స్థితి ఉంటే.రక్తపోటు నిరంతరం 90/60 కంటే తక్కువగా ఉంటే.మీ శరీరంలో నీరు తక్కువగా ఉండడం లేదా ఎలక్ట్రోలైట్ అసమతుల్యత కనిపించినప్పుడు.హైపోటెన్షన్ సమస్యను నిర్లక్ష్యం చేయకూడదు. సరైన ఆహారపు అలవాట్లు మరియు ఆరోగ్యకరమైన జీవనశైలి పాటించడం ద్వారా దీనిని సమర్థవంతంగా నియంత్రించవచ్చు. తక్కువ రక్తపోటుతో బాధపడేవారు వైద్యుల సలహా తీసుకోవడం ఉత్తమం.
తలనొప్పి, మెడ తిప్పినప్పుడు తేలికగా ఉండటంమూర్చ, మైకం, బలహీనత గుండె వేగంగాకొట్టుకోవడం.చల్లగా అనిపించడం.ఊపిరి తీసుకోవడంలో ఇబ్బంది
