మనం సులభంగా చేయదగిన వ్యాయామాల్లో నడవడం ఒకటి. (Health) నడవడం వల్ల మన ఆరోగ్యానికి ఎంతో మేలు కలుగుతుంది. శరీర బరువు అదుపులో ఉండడంతో పాటు కొలెస్ట్రాల్ స్థాయిలు తగ్గుతాయి. గుండె ఆరోగ్యం మెరుగుపడుతుంది. ఎముకలు బలంగా తయారవుతాయి. అభిజ్ఞా పనితీరు మెరుగుపడుతుంది. నిద్రలేమి వంటి సమస్యలు తగ్గుతాయి. ఒత్తిడి, ఆందోళన వంటివి తగ్గి మానసిక ఆరోగ్యం కూడా మెరుగుపడుతుంది.
Read Also: Sweets : అన్నం తిన్న వెంటనే స్వీట్ తినాలనిపిస్తోందా..
నడవడం వల్ల మనం శారీరక ఆరోగ్యంతో పాటు మానసిక ఆరోగ్యాన్ని కూడా మెరుగుపరుచుకోవచ్చు. (Health) ఇక రోజూ 45 నిమిషాల పాటు నడవడం వల్ల టైప్ 2 డయాబెటిస్ తో బాధపడే వారికి ఎంతో మేలు కలుగుతుందని వైద్యులు చెబుతున్నారు. రోజూ 45 నిమిషాల పాటు మితంగా నడవడం వల్ల రక్తంలో చక్కెర స్థాయిలు గణనీయంగా తగ్గుతాయని, డయాబెటిస్ తో (Diabetes) బాధపడే వారికి నడక చక్కటి శారీరక వ్యాయామమని వైద్యులు తెలియజేస్తున్నారు.
నడవడం వల్ల ఇన్సులిన్ లేకపోయినప్పటికీ గ్లూకోజ్ కణాల్లోకి ప్రవేశిస్తుంది. దీంతో రక్తంలో చక్కెర స్థాయిలు తగ్గుతాయి. అలాగే రాత్రి భోజనం చేసిన తరువాత 15 నుండి 20 నిమిషాల పాటు నడవడం వల్ల రక్తంలో చక్కెర పెరుగుదల తగ్గుతుంది. క్రమం తప్పకుండా నడవడం వల్ల చక్కెర స్థాయిల్లో గణనీయమైన మార్పును చూడవచ్చని వైద్యులు చెబుతున్నారు.
Read hindi news: hindi.vaartha.com
Read Also Epaper : epaper.vaartha.com
Read Also:
