డ్రాగన్ ఫ్రూట్ (Pitaya) ఎన్నో పోషకాలు (Nutrients) కలిగి ఉన్న తాజా పండు. ఇది విటమిన్లు, ఖనిజాలు, ఫైబర్, యాంటీ ఆక్సిడెంట్స్ తో సమృద్ధిగా ఉంటుంది. దీని ఆరోగ్య ప్రయోజనాలు (Health benefits)అనేకం, అవి జీర్ణత, చర్మ సంరక్షణ (skin care), ఇమ్యూనిటీ, బ్లడ్ షుగర్ నియంత్రణ మరియు మరెన్నో. డ్రాగన్ ఫ్రూట్ ఆరోగ్యానికి చాలా లాభాలు ఇస్తుంది. ఇందులో పుష్కలంగా ఉండే పోషకాలు మన శరీరాన్ని రోగాల నుండి కాపాడడమే కాదు.. జీర్ణ వ్యవస్థ నుండి చర్మ సంరక్షణ వరకూ ఎన్నో విధాలుగా ఉపయోగపడుతుంది.
గుండెకు మేలు
డ్రాగన్ ఫ్రూట్ ను తరచూ తినడం గుండెకు మేలు చేస్తుందని ఆరోగ్య నిపుణులు అంటున్నారు. ఇందులో ఉండే ఫైబర్, యాంటీఆక్సిడెంట్లు రక్తనాళాల్లో కొలెస్ట్రాల్ పేరుకుపోకుండా ఆపుతాయి. దీని వల్ల గుండె సంబంధిత జబ్బులు వచ్చే ప్రమాదం తగ్గుతుంది. గుండె స్పందన సరిగ్గా ఉండటానికి ఇది సహాయపడుతుంది. ఈ పండులో ఫైబర్ ఎక్కువగా ఉండటంతో జీర్ణ వ్యవస్థ సరిగా పనిచేస్తుంది. దాంతో ఆమ్లత, అజీర్ణం, గ్యాస్ లాంటి సమస్యలు తగ్గుతాయి. అలాగే మలబద్ధకం లాంటి సమస్యలకూ ఇది సహజ పరిష్కారం. తేలికగా జీర్ణమయ్యే పండుగా దీనిని చెప్పవచ్చు.
యాంటీఆక్సిడెంట్లు
డ్రాగన్ ఫ్రూట్ లో విటమిన్ C, యాంటీఆక్సిడెంట్లు బాగా ఉంటాయి. ఇవి శరీరంలో రోగనిరోధక శక్తిని మెరుగుపరచడానికి సహాయపడతాయి. జబ్బులను ఎదుర్కొనే శక్తిని పెంచి.. వైరస్ లు, బాక్టీరియా వల్ల వచ్చే ఇన్ఫెక్షన్లను దూరంగా ఉంచుతాయి. బరువు తగ్గాలని అనుకునే వారు డ్రాగన్ ఫ్రూట్ ను ఆహారంలో చేర్చడం ద్వారా మంచి లాభం పొందగలరు. ఇందులో క్యాలరీలు తక్కువగా ఉండటం, ఫైబర్ ఎక్కువగా ఉండటంతో కడుపు నిండిన భావన కలుగుతుంది. దీని వల్ల ఎక్కువగా తినే అలవాటు తగ్గుతుంది.
చర్మాన్ని తాజాగా, ఆరోగ్యంగా..
చర్మానికి సంబంధించిన సమస్యలు ముఖ్యంగా మొటిమలు, మచ్చలు లాంటి వాటి నివారణకు డ్రాగన్ ఫ్రూట్ లో ఉండే యాంటీ ఆక్సిడెంట్లు, విటమిన్లు ఉపయోగపడతాయి. ఇందులోని నీటి శాతం ఎక్కువగా ఉండటంతో శరీరం తేమను కోల్పోకుండా చూస్తుంది. ఇది సహజంగా చర్మాన్ని తాజాగా, ఆరోగ్యంగా ఉంచుతుంది.
శరీరంలో ఐరన్ తక్కువగా ఉన్నప్పుడు దాన్ని సరిచేయడంలో డ్రాగన్ ఫ్రూట్ ఉపయోగపడుతుంది. ఇది హిమోగ్లోబిన్ స్థాయిని మెరుగుపరచడంలో సహాయపడుతుంది. ముఖ్యంగా రక్తహీనత ఉన్నవారికి ఇది మంచి సహాయకారిగా నిలుస్తుంది.
రోగ నిరోధక శక్తిని పెంచుతుంది
డ్రాగన్ ఫ్రూట్ లో ఉండే కొవ్వు ఆమ్లాలు, విటమిన్ C, ఐరన్ లాంటివి జుట్టు పెరుగుదల కోసం అవసరమైన పోషకాలు. ఇవి జుట్టును బలంగా, మెరిసేలా ఉంచుతాయి. తలకు చర్మ సమస్యలు ఉన్నవారికి ఇది సహజ పరిష్కారం కావచ్చు. మీ ఫుడ్ డైట్ లో డ్రాగన్ ఫ్రూట్ ను చేర్చడం ద్వారా శరీరాన్ని ఆరోగ్యంగా ఉంచుకోవచ్చు. ఇది సహజంగా శక్తిని ఇవ్వడమే కాకుండా.. రోగ నిరోధక శక్తిని పెంచుతుంది. అయితే దీన్ని తినడం ప్రారంభించే ముందు మీ శరీరం పరిస్థితిని బట్టి వైద్య నిపుణుడి సలహా తీసుకోవడం మంచిది.
Read Also:Chapati : ఎన్ని చపాతీలు తింటే ఆరోగ్యానికి మంచిది?