జామకాయ సీజన్ వచ్చేసింది! మార్కెట్లో ఎక్కడ చూసినా దోర జామకాయల సువాసన ఊరిస్తోంది. విటమిన్లు, ఖనిజ లవణాలతో నిండిన ఈ ‘సూపర్ ఫ్రూట్’ ఆరోగ్యానికి ఎంతో మేలు చేస్తుందన్నది నిజం. అయితే, జామకాయ అందరికీ అమృతంలా పనిచేయదు. కొన్ని ప్రత్యేక ఆరోగ్య సమస్యలు ఉన్నవారు జామకాయను తింటే ప్రయోజనం కంటే నష్టమే ఎక్కువ జరిగే అవకాశం ఉంది. మరి మీరు జామకాయ (Guava)ను నిశ్చింతగా తినవచ్చా? లేదా దూరంగా ఉండాలా? ఈ కథనంలో 4 రకాల వ్యక్తుల గురించి తెలుసుకోండి, వారు జామకాయను తినే ముందు ఖచ్చితంగా ఆలోచించాల్సిందే. జామకాయ(Guava)ను ఇష్టపడని వారుండరు. కొందరు ఉప్పు, కారం చల్లుకుని ఇష్టంగా తింటే, మరికొందరు జ్యూస్ రూపంలో ఆస్వాదిస్తారు. జీర్ణక్రియను మెరుగుపరచడం నుండి రోగనిరోధక శక్తిని పెంచడం వరకు జామకాయ చేసే మేలు అంతా ఇంతా కాదు. కానీ, ప్రతీ నాణేనికి రెండు పార్శ్వాలు ఉన్నట్టే, జామకాయ అతిగా తింటే కొన్ని ఆరోగ్య ఇబ్బందులు తప్పవు. ముఖ్యంగా జీర్ణ సంబంధిత సమస్యలు లేదా చర్మ వ్యాధులు ఉన్నవారికి జామకాయ ఒక సవాల్గా మారవచ్చు. మరి ఏ పరిస్థితిలో జామకాయకు దూరంగా ఉండాలో చూద్దాం.
Read Also: http://Health Tips: పైనాపిల్ తీసుకోవడం వల్ల కలిగే 5 ప్రయోజనాలు
జామకాయలో ఫ్రక్టోజ్ మరియు విటమిన్ సి అధికంగా ఉంటాయి. వీటిని శరీరం ఒకేసారి గ్రహించడం కష్టమవుతుంది. కడుపు ఉబ్బరం ఉన్నవారు అతిగా జామకాయలు తినడం వల్ల కడుపు ఉబ్బరంగా అనిపించవచ్చు. ముఖ్యంగా జామకాయ తిన్న వెంటనే నిద్రపోవడం వల్ల ఈ సమస్య మరింత పెరుగుతుంది. జామకాయకు గ్లైసెమిక్ ఇండెక్స్ (GI) తక్కువగా ఉండటం వల్ల ఇది డయాబెటిస్ ఉన్నవారికి మంచిదే. కానీ, దీనిని పరిమితంగా మాత్రమే తీసుకోవాలి. రక్తంలో చక్కెర స్థాయిలను తరచుగా గమనిస్తూ ఉండాలి, ఎందుకంటే జామకాయలోని సహజ చక్కెరలు ఒక్కోసారి షుగర్ లెవల్స్ను పెంచవచ్చు. ఇరిటబుల్ బవెల్ జామకాయలో పీచు పదార్థం ఎక్కువగా ఉంటుంది, ఇది మలబద్ధకాన్ని తగ్గిస్తుంది. కానీ సిండ్రోమ్ (IBS) సమస్య ఉన్నవారిలో ఈ అధిక ఫైబర్ జీర్ణవ్యవస్థను గందరగోళానికి గురి చేస్తుంది. దీనివల్ల జీర్ణ సంబంధిత ఇబ్బందులు తలెత్తవచ్చు. చర్మ వ్యాధులైన ఎగ్జిమాతో బాధపడేవారు జామకాయ మరియు దాని ఆకులకు దూరంగా ఉండటం మంచిది. జామ ఆకు సారం కొన్ని రకాల రసాయనాలను కలిగి ఉంటుంది, ఇవి చర్మంపై చికాకును లేదా మంటను కలిగించి ఎగ్జిమాను తీవ్రతరం చేయవచ్చు.
Read hindi news : hindi.vaartha.com
Epaper : epapervaartha.com
Read Also: