ప్రాచీన కాలం నుండి మనం వంటలలో ఉపయోగిస్తున్న నల్ల మిరియాలు కేవలం రుచిని మాత్రమే కాదు, ఆరోగ్యాన్ని కూడా మెరుగుపరచే గుణాలు కలిగి ఉన్నాయి. సుగంధ ద్రవ్యాల రాజుగా పరిగణించబడే నల్ల మిరియాల ప్రధానంగా మసాలా పదార్థంగా వినియోగమవుతున్నప్పటికీ, ఇది అనేక ఔషధ గుణాలతో నిండిన ఔషధ మొక్కగా కూడా ప్రసిద్ధి చెందింది.
నల్ల మిరియాల వల్ల కలిగే ప్రయోజనాలు
జీర్ణవ్యవస్థకు మేలు
నల్ల మిరియాలలో పైపెరిన్ అనే శక్తివంతమైన యాక్టివ్ సమ్మేళనం ఉంటుంది. ఇది జీర్ణ రసాల ఉత్పత్తిని ఉత్తేజపరిచి, జీర్ణక్రియను వేగవంతం చేస్తుంది. శరీరంలోని హైడ్రోక్లోరిక్ ఆమ్లాన్ని పెంచడం ద్వారా పేగుల పనితీరును మెరుగుపరుస్తుంది. దీనివల్ల ఫుడ్ ప్రాసెసింగ్ సరిగ్గా జరుగుతుంది. అలాగే నల్ల మిరియాలు గ్యాస్, అజీర్ణం, పేగు సమస్యలు వంటి వాటి నుంచి ఉపశమనం ఇస్తాయి.
పోషకాల గ్రహణాన్ని మెరుగుపరిచే గుణం
నల్ల మిరియాలు పోషకాల బయోఅవైలబిలిటీనుపెంచే గుణం కలిగి ఉంటాయి. అంటే మనం తీసుకునే ఆహారంలోని పోషకాల్ని శరీరం బాగా గ్రహించగలుగుతుంది. పైపెరిన్ ఈ ప్రక్రియలో కీలక పాత్ర పోషిస్తుంది.
యాంటీఆక్సిడెంట్ శక్తి
నల్ల మిరియాలలో యాంటీఆక్సిడెంట్లు అధికంగా ఉంటాయి. ఇవి శరీరాన్ని హానికరమైన ఫ్రీ రాడికల్స్ నుంచి రక్షిస్తాయి. ఫ్రీ రాడికల్స్ పెరగడం వలన వృద్ధాప్యం వేగవంతమవుతుంది, మరియు కేన్సర్, గుండెజబ్బులు వంటి దీర్ఘకాలిక వ్యాధుల ప్రమాదం పెరుగుతుంది. నల్ల మిరియాలు ఈ ప్రమాదాలను తగ్గించడంలో సహాయపడతాయి.
శ్వాస సంబంధిత సమస్యలకు నివారణ
నల్ల మిరియాలు శ్లేష్మం తొలగించడంలో సహాయపడతాయి. జలుబు, దగ్గు, ఫ్లూ, బ్రోన్కైటిస్, ఆస్తమా వంటి సమస్యలలో ఇవి ప్రయోజనకరంగా పనిచేస్తాయి. ఉదాహరణకు, తేనెతో కలిపి నల్ల మిరియాల పొడి తీసుకుంటే దగ్గు, గొంతు నొప్పి వంటి సమస్యలకు ఉపశమనం లభిస్తుంది.
రోగనిరోధక శక్తి పెంపు
నల్ల మిరియాలు రోగనిరోధక శక్తిని ఉత్తేజితం చేస్తాయి. ఇది శరీరంలో ఇన్ఫెక్షన్లతో పోరాడే సామర్థ్యాన్ని పెంచుతుంది. పైపెరిన్ శరీరంలోని జీవక్రియలను ఉత్తేజపరచి, రోగనిరోధక వ్యవస్థను బలోపేతం చేస్తుంది.
బరువు నియంత్రణ
జీవక్రియ వేగాన్ని పెంచడం ద్వారా నల్ల మిరియాలు శరీరంలో కొవ్వును వేగంగా కాల్చే ప్రక్రియను ప్రేరేపిస్తాయి. ఇది బరువు తగ్గాలనుకునే వారి కోసం సహాయకారి. రోజూ కాస్త నల్ల మిరియాల పొడిని ఆహారంలో చేర్చడం లేదా గ్రీన్ టీతో కలిపి తీసుకోవడం వల్ల మంచి ఫలితాలు కనిపించవచ్చు. నిద్రలేమితో బాధపడేవారికి నల్ల మిరియాలు సహాయపడతాయి. నిద్రకు సంబంధించిన హార్మోన్లను స్థిరపరచే లక్షణం కలిగి ఉండడం వలన నల్ల మిరియాలు మంచి నిద్రకు దోహదపడతాయి.
చర్మం మరియు జుట్టు ఆరోగ్యం
నల్ల మిరియాల్లో యాంటీబాక్టీరియల్ లక్షణాలు ఉండడం వల్ల చర్మ రోగాలను నివారించడంలో ఇవి ఉపకరిస్తాయి. అలాగే జుట్టు ఆరోగ్యానికి అవసరమైన పోషకాలను అందించడంలో సహాయపడతాయి. జుట్టు పతనం, తగ్గించడంలో నల్ల మిరియాల ఫేస్ మాస్క్ లేదా హెయిర్ ప్యాక్ ఉపయోగపడుతుంది.
మధుమేహం నియంత్రణ
నల్ల మిరియాలు రక్తంలో గ్లూకోజ్ స్థాయిలను నియంత్రించడంలో సహాయపడతాయి. పైపెరిన్ ఇన్సులిన్ సున్నితత్వాన్ని పెంచడం ద్వారా మధుమేహాన్ని సమర్థవంతంగా నియంత్రించడంలో ఉపయోగపడుతుంది.
గుండె ఆరోగ్యం
నల్ల మిరియాలు కొలెస్ట్రాల్ స్థాయిలను నియంత్రించడంలో సహాయపడతాయి. ఇవి శరీరంలోని అధిక కొవ్వును తొలగించడంతో పాటు గుండె జబ్బుల ప్రమాదాన్ని తగ్గిస్తాయి. యాంటీఆక్సిడెంట్ లక్షణాల వల్ల హృదయ సంబంధిత వ్యాధుల రిస్క్ తగ్గుతుంది. పైపెరిన్ మెదడులో న్యూరోట్రాన్స్మిటర్ల విడుదలను ప్రభావితం చేస్తుంది. ఇది జ్ఞాపకశక్తి మెరుగుపరిచే గుణం కలిగి ఉంటుంది. కొంతమంది పరిశోధకుల ప్రకారం, అల్జీమర్స్, పార్కిన్సన్స్ వంటి న్యూరో డిజెనరేటివ్ వ్యాధుల్లో నల్ల మిరియాల పైపెరిన్ ఉపయోగపడవచ్చని చూపబడింది. నల్ల మిరియాలు శరీరం నుంచి విషాలను బయటకు తీసేయడంలో సహాయపడతాయి. నల్ల మిరియాలు చిన్నపాటి సుగంధ ద్రవ్యంలా కనిపించినా, ఆరోగ్యానికి అపారమైన ప్రయోజనాలు కలిగి ఉన్నాయి. రోజువారీ జీవనశైలిలో దీనిని చేర్చడం వల్ల ఆరోగ్యానికి ఎంతో మేలు జరుగుతుంది.
Read also: Kira Dosa: వేసవిలో కీరా దోస తినడం వలన కలిగే ఆరోగ్య ప్రయోజనాలు
