శ్రీ సత్య సాయి జిల్లా పెనుకొండ( AP ) పట్టణంలో విషాదం చోటుచేసుకుంది. స్థానికంగా కార్ ట్రావెల్స్ నడుపుతున్న 46 ఏళ్ల గంగాధర్ గురువారం రాత్రి ఇంట్లో ఖర్జూర పండ్లు(Dates) తింటుండగా, ఒక పండులోని విత్తనం అనుకోకుండా గొంతులో ఇరుక్కుపోయింది. విత్తనం ఊపిరితిత్తుల దారిని పూర్తిగా అడ్డుకోవడంతో ఆయనకు ఒక్కసారిగా శ్వాస తీసుకోవడం కష్టమైంది. కుటుంబ సభ్యులు పరిస్థితిని గమనించి వెంటనే సహాయం కోసం పరుగులు పెట్టారు.
Read Also: Visakhapatnam Crime: కుటుంబ కలహాల నేపథ్యంలో తల్లి–కొడుకుల ఆత్మహత్య
పెనుకొండలో 46 ఏళ్ల వ్యక్తి గంగాధర్ దుర్మరణం
మొదటగా గంగాధర్ను పెనుకొండ ప్రభుత్వ( AP ) ఆసుపత్రికి తరలించారు. అక్కడి వైద్యులు ప్రాథమిక చికిత్స చేసినప్పటికీ పరిస్థితి ఆందోళనకరంగా ఉండటంతో పట్టణంలోని మరో ప్రైవేట్ ఆసుపత్రికి తీసుకెళ్లాలని సూచించారు. అక్కడి వైద్యులు కూడా అత్యవసర చికిత్స చేసిన తర్వాత అతన్ని తక్షణమే అనంతపురం ప్రభుత్వ ఆసుపత్రికి తరలించాలని సూచించారు.
కుటుంబ సభ్యులు అంబులెన్స్లో అనంతపురం వైపు తీసుకెళ్తుండగా మార్గమధ్యంలోనే గంగాధర్ పరిస్థితి మరింత దిగజారింది. శ్వాస తీసుకోలేక చివరకు ప్రాణాలు కోల్పోయాడు. ఇప్పటికే కొంతకాలంగా గొంతు సంబంధిత సమస్యతో బాధపడుతున్న ఆయనకు విత్తనం ఇరుక్కోవడం ప్రమాదాన్ని మరింత పెంచినట్టు తెలుస్తోంది. ఈ ఘటన స్థానికంగా తీవ్ర విషాదాన్ని రేపింది. గంగాధర్ ఆకస్మిక మరణంతో కుటుంబ సభ్యులు, స్నేహితులు షాక్కి గురయ్యారు. పట్టణంలో ఉన్న పలువురు ఈ ఘటనపై సంతాపం వ్యక్తం చేశారు. సంఘటన వివరాలు ఆలస్యంగా వెలుగులోకి వచ్చినట్లు తెలుస్తోంది.
Read hindi news:hindi.vaartha.com
Epaper: epaper.vaartha.com
Read Also: