కొవ్వును వైద్య పరిభాషలో కొలెస్టరాల్గా పిలుస్తారు. ఇది మన శరీరానికి అవసరమైన ముఖ్య పదార్థాలలో ఒకటి. ఎందుకంటే ఇది హార్మోన్ల ఉత్పత్తి విటమిన్ D తయారీ మరియు శరీరంలో రక్తాన్ని బాగా ప్రవహించేందుకు అవసరం. అయితే, అవసరానికి మించితే ఇది “సైలెంట్ కిల్లర్” గా మారవచ్చు, గుండెపోటు వంటి ముప్పులకు దారితీస్తుంది.
కొలెస్టరాల్ యొక్క పనితీరు:
కొలెస్టరాల్ నూనె ఆధారిత పదార్థం. ఇది రక్తంలో సులభంగా కలవదు. లిపో ప్రోటీన్లు దీనిని కణాలకు చేరుస్తాయి. శరీరంలో ఉండే కొలెస్టరాల్ ఆహారం జీర్ణం చేయడానికి అవసరమైన రసాలను ఉత్పత్తి చేసేందుకు, అలాగే విటమిన్ D తయారీలో సహాయపడుతుంది. కానీ, అవసరమైన పరిమితిని మించితే, అవి సమస్యలు కలిగించవచ్చు.
శరీరంలో కొలెస్టరాల్ అధికమైతే, ఇది ధమనుల్లో పేరుకుపోయి, అథెరోస్క్లెరోసిస్ వంటి సమస్యలు కలుగుతాయి. ఇందులో ధమనులు గట్టిపడిపోతాయి. రక్తం సాఫీగా ప్రవహించదు. ఇది గుండెపోటు మరియు స్ట్రోక్కు దారితీస్తుంది.
కొలెస్టరాల్ రకాలు:
కొలెస్టరాల్ రెండు రకాలుగా ఉంటాయి: LDL (Low-Density Lipoprotein) మరియు HDL (High-Density Lipoprotein). LDLను చెడు కొలెస్టరాల్గా పరిగణిస్తారు. ఎందుకంటే ఇది అధికంగా ఉంటే ఆరోగ్యానికి హానికరం. HDL మంచి కొలెస్టరాల్, ఇది చెడు కొలెస్టరాల్ను శరీరానికి నుండి తొలగించడానికి సహాయపడుతుంది.
నివారణ మార్గాలు:
కొలెస్టరాల్ను నియంత్రించడానికి పోషకాహారంలో మార్పులు చేసుకోవాలి. జంతు ఉత్పత్తులు, ఫ్రైడ్ ఫుడ్లు మరియు ప్రాసెస్డ్ ఫుడ్ల వినియోగాన్ని తగ్గించి ముడి కూరగాయలు, పండ్లు మరియు ఆరోగ్యకరమైన కొవ్వులను ఎక్కువగా తీసుకోవాలి. అదేవిధంగా శారీరక వ్యాయామం చేయడం, పొగ తాగడం మరియు మద్యపానాన్ని మానడం కూడా కీలకం.
20 ఏళ్ల తర్వాత ప్రతి ఒక్కరూ కనీసం ఐదేళ్లకోసారి కొలెస్టరాల్ (లిపిడ్ ప్రొఫైల్) పరీక్ష చేయించుకోవాలి. టోటల్ కొలెస్టరాల్ 200 ఎంజీ/డీఎల్ కంటే తక్కువ ఉంటే మంచిది; 220-240 అంటే అధిక, 240కి పైగా అంటే అత్యధికం. LDL 100 ఎంజీ/డీఎల్ కంటే తక్కువ ఉండాలి. HDL 40 పాయింట్ల కంటే ఎక్కువ ఉండడం అవసరం.
హెచ్ డీఎల్ లేదా హైడెన్సిటీ లిపోప్రోటిన్ శరీర కణాలు మరియు ధమనుల్లోని అధిక కొవ్వును గ్రహించి లివర్కు తీసుకెళ్తుంది. లివర్లో హెచ్ డీఎల్ శుద్ధి చేసుకుని మళ్లీ కణాలకు శక్తిగా మారుతుంది. అందుకే హెచ్ డీఎల్ ను “మంచి కొలెస్టరాల్” గా పిలుస్తారు. ఇది ఆరోగ్యానికి మేలు చేస్తుంది.
ఇలా కొలెస్టరాల్ను క్రమంలో ఉంచడం ద్వారా ఆరోగ్యాన్ని మెరుగుపరుచుకోవచ్చు.