ఆసియాలోనే అతిపెద్ద గిరిజన జాతరగా పేరుగాంచిన మేడారం సమ్మక్క సారలమ్మ జాతర ఈసారి ఘనంగా ముగిసింది. రాష్ట్రం నలుమూలలతో పాటు ఇతర రాష్ట్రాల నుంచి కూడా కోట్లాది భక్తులు హాజరయ్యారు. భారీగా భక్తుల రాకతో హుండీ ఆదాయం కూడా గణనీయంగా పెరుగుతుందని అధికారులు ముందస్తు అంచనా వేశారు. దాదాపు రూ.40 కోట్ల వరకు ఆదాయం వస్తుందని భావించారు. అయితే లెక్కింపు పూర్తయ్యేసరికి ఆ అంచనాలు నిజం కాలేదని వెల్లడైంది. వాస్తవంగా వచ్చిన మొత్తం రూ.13,25,83,269 మాత్రమే. గత జాతరతో పోలిస్తే స్వల్ప పెరుగుదలే కనిపించడం చర్చకు దారితీసింది.
Read also: TG: ఎన్నికల్లో బీజేపీని గెలిపించాలని కోరిన కిషన్ రెడ్డి
Completed counting of Medaram hundis..
828 హుండీలు.. వారం రోజుల లెక్కింపు
ఈసారి మేడారం జాతరలో మొత్తం 828 హుండీలు ఏర్పాటు చేశారు. గత 2024 జాతరలో 540 హుండీలు ఉండగా, ఈసారి 288 హుండీలు అదనంగా ఉంచారు. ఈనెల 5వ తేదీన ప్రారంభమైన లెక్కింపు ప్రక్రియ వారం రోజుల పాటు కొనసాగింది. దేవాదాయ శాఖ ఆధ్వర్యంలో 500 మంది సిబ్బంది, వాలంటీర్లు కట్టుదిట్టమైన భద్రత మధ్య లెక్కింపు నిర్వహించారు. హనుమకొండలోని టీటీడీ కళ్యాణ మండపంలో సీసీటీవీ పర్యవేక్షణలో ఈ ప్రక్రియ పూర్తయ్యింది. హుండీల్లో భారత కరెన్సీతో పాటు విదేశీ నోట్లు, బంగారం, వెండి, గిల్టు నగలు కూడా లభించాయి.
గత జాతరలతో పోలిక
మేడారం హుండీల్లో వచ్చిన మొత్తంలో 33 శాతం స్థానిక పూజారులకు ఇవ్వాల్సి ఉంటుంది. మిగిలిన మొత్తం రాష్ట్ర ప్రభుత్వానికి వెళుతుంది. గత జాతరల ఆదాయాన్ని పరిశీలిస్తే 2018లో రూ.8.14 కోట్లు, 2020లో రూ.9.87 కోట్లు వచ్చాయి. 2022లో అది రూ.12.45 కోట్లకు పెరిగి, 2024లో రూ.13.25 కోట్లకు చేరింది. ఈసారి కూడా దాదాపు అదే స్థాయి ఆదాయం రావడం గమనార్హం. హుండీలు పెరిగినా ఆదాయం పెద్దగా పెరగకపోవడం ఇప్పుడు విశ్లేషణకు దారితీస్తోంది. అంచనాలు, వాస్తవాల మధ్య వ్యత్యాసం ఎందుకు వచ్చిందన్నది అధికార వర్గాల్లో చర్చనీయాంశంగా మారింది.
Read hindi news: hindi.vaartha.com
Epaper: epaper.vaartha.com
Read Also: