NPCI: UPI ద్వారా డబ్బు పంపడం చాలా వేగంగా, సౌకర్యంగా ఉంటుంది. అయితే పొరపాటున తప్పు UPI ID లేదా ఖాతాకు డబ్బు వెళ్లిపోయినా భయపడాల్సిన అవసరం లేదు. ముందుగా మీరు ఉపయోగించిన UPI యాప్లో లావాదేవీల వివరాలను పరిశీలించాలి. ట్రాన్సాక్షన్ విజయవంతంగా పూర్తయితే, అందులో కనిపించే UTR (Transaction Reference) నంబర్ భవిష్యత్తు కోసం ఎంతో ముఖ్యమైనది.
Read also: Grok : ‘గ్రోక్’ అశ్లీల కంటెంట్ పై కేంద్రం సీరియస్
UPI రీఫండ్ ప్రాసెస్
అధికశాతం UPI యాప్లలో తప్పు లావాదేవీలకు సంబంధించి ఫిర్యాదు చేసే వెసులుబాటు ఉంటుంది. ఆ ఆప్షన్ ద్వారా సమస్యను నమోదు చేసిన తరువాత, మీ బ్యాంకును వెంటనే సంప్రదించడం మంచిది. అవసరమైతే, డబ్బు వెళ్లిన వ్యక్తిని నేరుగా సంప్రదించి వినయంగా తిరిగి చెల్లించమని కోరవచ్చు.
బ్యాంకు ద్వారా స్పందన రాకపోతే, NPCI (National Payments Corporation of India) వద్ద అధికారికంగా ఫిర్యాదు చేయవచ్చు. చివరి దశలో RBI బ్యాంకింగ్ అంబుడ్స్మన్ సేవలను కూడా వినియోగించుకునే అవకాశం ఉంది. ఇలాంటి సందర్భాల్లో ఎంత త్వరగా చర్యలు తీసుకుంటే, డబ్బు తిరిగి పొందే అవకాశాలు అంత ఎక్కువగా ఉంటాయి. భవిష్యత్తులో ఇలాంటి తప్పిదాలు జరగకుండా ఉండేందుకు, చెల్లింపు చేసే ముందు UPI ID, పేరు, మొత్తం వివరాలను రెండు సార్లు తనిఖీ చేయాలని నిపుణులు సూచిస్తున్నారు.
Read hindi news: hindi.vaartha.com
Epaper: epaper.vaartha.com
Read also:
