జగిత్యాల (Jagtial) జిల్లాలోని కోరుట్ల పట్టణం ఒక హృదయ విదారక ఘటనతో గుండె పగిలేలా చేసింది. ఇక్కడ ఐదేళ్ల చిన్నారి గొంతు కోసి హత్య (Five-year-old child murdered by slitting her throat) చేసిన ఘటన ఆదివారం వెలుగులోకి వచ్చింది. ఈ అమానవీయ ఘటన స్థానికులను తీవ్రంగా కలిచివేసింది.శనివారం సాయంత్రం వరకు ఆడుకుంటూ కనిపించిన బాలిక ఒక్కసారిగా మాయమైంది. ఎంతకీ ఇంటికి రాకపోవడంతో తల్లిదండ్రులు ఆందోళనకు గురయ్యారు. గ్రామస్థులతో కలిసి చుట్టుపక్కల గాలింపు చేపట్టారు. అనుమానాస్పదంగా కనిపించిన ఓ ఇంట్లోని బాత్రూం చెక్ చేయగా, అందులోనే బాలిక మృతదేహం పడి ఉండటాన్ని గుర్తించారు.బాలిక గొంతు కోసి హత్య చేసిన స్పష్టంగా కనిపించాయి. ఈ దారుణానికి పాల్పడిన అనుమానితుడి ఇంటిలోనే ఈ ఘటన జరగడం ఊహించని మోసం లాంటి షాక్ను కలిగించింది. ఇంటి యజమాని ప్రస్తుతం పరారీలో ఉన్నాడు. దీంతో పోలీసులు అతడిపై కేసు నమోదు చేసి గాలింపు ముమ్మరం చేశారు.
గ్రామంలో భయాందోళనలు – శిక్ష కోరుతున్న స్థానికులు
చిన్నారి హత్య వార్తతో గ్రామమంతా విషాదంలో మునిగిపోయింది. నిందితుడిని వెంటనే పట్టుకొని కఠినంగా శిక్షించాలంటూ ప్రజలు పెద్ద ఎత్తున డిమాండ్ చేస్తున్నారు. గ్రామంలోని మహిళలు, తల్లిదండ్రులు భయభ్రాంతులకు గురయ్యారు. పిల్లల్ని బయటకు పంపడానికే ఇష్టపడటం లేదు.
పోలీసుల చర్యలు వేగవంతం
హత్యకు సంబంధించి అన్ని కోణాల్లో విచారణ కొనసాగుతోందని పోలీసులు పేర్కొన్నారు. బాలిక కుటుంబ సభ్యుల ఫిర్యాదు మేరకు కేసు నమోదు చేసి, నిందితుడి కోసం ప్రత్యేక బృందాలు గాలిస్తున్నారు. మృతదేహాన్ని పోస్టుమార్టం కోసం ప్రభుత్వ ఆసుపత్రికి తరలించారు.ఐదేళ్ల చిన్నారి పై అలాంటి మానవత్వం లేకుండా జరగిన దారుణం – ప్రతి ఒక్కరినీ వేదిస్తోంది. నిందితుడిని త్వరగా పట్టుకొని శిక్షించాలనే డిమాండ్ రాష్ట్రవ్యాప్తంగా జోరుగా వినిపిస్తోంది. చిన్నారి మరణం కుటుంబాన్ని గుండెలవేసింది. మానవత్వం మిగిలిందా అన్న చర్చకు ఇది నిదర్శనమవుతోంది.
Read Also : Fake doctor : కార్డియాలజిస్ట్గా అవతారమెత్తిన నకిలీ వైద్యుడి కలకలం
