ప్రస్తుతం మారుతున్న జీవనశైలి, అధిక కూర్చునే పని, వేగవంతమైన జీవనరితి, అనారోగ్యకర ఆహారపు అలవాట్లు వలన బరువు పెరగడం చాలామందికి సాధారణ సమస్యగా మారింది. దాంతో చాలామంది బరువు తగ్గించుకునేందుకు (lose weight) డైట్లు, జిమ్లు, యోగా, ఫాస్టింగ్ వంటి మార్గాలను అనుసరిస్తున్నారు. అయితే నిపుణుల అభిప్రాయం ప్రకారం, ఆరోగ్యాన్ని నష్టం లేకుండా బరువు తగ్గాలంటే పోషకాహారాన్ని సమతుల్యంగా తీసుకోవడం చాలా ముఖ్యం. ఇందులో ముఖ్యమైన పాత్ర పోషించేవి చిరుధాన్యాలు. వాటిలో ప్రధానంగా చెప్పుకోవాల్సింది “రాగులు”.
రాగుల పోషక విలువలు
రాగులు (Finger Millet / Ragi) అనేవి మన సంప్రదాయ ఆహార వ్యవస్థలో చాలా కాలంగా వాడుతున్నారు. ఇవి తక్కువ ఖర్చుతో ఎక్కువ పోషక విలువలు కలిగి ఉండటంతో “అన్నదాతల ఆహారం”గా పేరొందాయి. ముఖ్యంగా వీటిలో ఉండే పోషకాల జాబితా చూస్తే ఆశ్చర్యపోతారు.
అయోధిన్, మగ్నీషియం, ఫినోలిక్ ఆమ్లాలు, యాంటీ ఆక్సిడెంట్లు, క్యాల్షియం, ఐరన్, ఫైబర్ ,ప్రోటీన్ ,పోటాషియం ,ఫోలిక్ యాసిడ్.
బరువు తగ్గించడంలో రాగుల పాత్ర
రాగుల్లో (Finger Millets) ఎక్కువ మోతాదులో ఫైబర్, ప్రోటీన్ ఉంటాయి. ఇవి త్వరగా కడుపునిండిన భావనను కలిగిస్తాయి. దాంతో అతి తక్కువ సమయంలో తృప్తి కలిగి, ఎక్కువగా తినాలనే ఆవశ్యకత ఉండదు. ఇది అధిక ఆహారాన్ని తీసుకోవడం తగ్గించడంలో సహాయపడుతుంది. అదే సమయంలో శరీరానికి కావాల్సిన ముఖ్యమైన మైనరల్స్ అందుతాయి. ముఖ్యంగా మధ్యాహ్నం భోజనంలో లేదా రాత్రిపూట రాగి బంగాళాదుంప లేదా ఇతర తక్కువ కార్బోహైడ్రేట్లతో కలిపి తీసుకుంటే బరువు అదుపులో ఉంటుంది.
మధుమేహం ఉన్నవారికి మేలైన ఆహారం
రాగుల్లో గ్లైసెమిక్ ఇండెక్స్ చాలా తక్కువగా ఉంటుంది. అంటే ఇవి తిన్న తర్వాత రక్తంలో చక్కెర స్థాయిలు మెల్లగా పెరుగుతాయి. ఇది మధుమేహాన్ని నియంత్రణలో (Controlling diabetes) ఉంచడంలో ఉపయోగపడుతుంది. ఫ్రీ రాడికల్స్ను తటస్తం చేసే యాంటీ ఆక్సిడెంట్లు కూడా ఉండటంతో శరీరంలోని పలు అవయవాల పనితీరును మెరుగుపరుస్తాయి
ఎముకల బలం – పిల్లలు, వృద్ధులకు లాభం
రాగుల్లో క్యాల్షియం ఎక్కువగా ఉంటుంది. ఇది ఎముకలు, దంతాలు గట్టిపడేందుకు అవసరం. వయసు పెరిగేకొద్దీ ఎముకలు బలహీనపడే ప్రమాదం ఉంటుంది. రాగులను తరచూ తీసుకుంటే ఆస్టియోపొరోసిస్ లాంటి సమస్యలు తలెత్తకుండా ఉంటాయి. అలాగే ఎదిగే వయస్సులో ఉన్న పిల్లలకు కూడా ఇది ఎంతో మేలు చేస్తుంది.
గర్భిణులు, పాలిచ్చే తల్లులకి రాగులు ఎంతగానో మేలు
రాగుల్లో ఉన్న ఐరన్, ఫోలిక్ యాసిడ్, క్యాల్షియం వంటి ఖనిజాలు గర్భిణుల ఆరోగ్యాన్ని మెరుగుపరుస్తాయి. వీటిలో ఉండే అమైనో ఆమ్లాలు, విటమిన్లు పాల ఉత్పత్తిని పెంచేందుకు సహాయపడతాయి. రోగనిరోధక శక్తిని పెంచుతాయి.
చర్మ ఆరోగ్యం, వృద్ధాప్య ఛాయల నివారణ
రాగుల్లో యాంటీ ఆక్సిడెంట్లు మరియు ఫినోలిక్ కాంపౌండ్లు అధికంగా ఉంటాయి. ఇవి చర్మానికి నరసేసిన వృద్ధాప్య ప్రభావాలను తగ్గిస్తాయి. కొలాజెన్ ఉత్పత్తిని ప్రోత్సహించి చర్మాన్ని గిలుగుగా ఉంచతాయి. అందుకే చాలామంది ఆరోగ్యంతో పాటు అందానికి కూడా రాగులను ఆహారంగా తీసుకుంటున్నారు.
జాగ్రత్తలు:
ఎంతటి మంచి ఆహారమైనప్పటికీ, రాగులను తినేటప్పుడు కొన్ని జాగ్రత్తలు తీసుకోవాలి:
- మూత్రపిండాల్లో రాళ్లు ఉన్నవారు: రాగుల్లో ఆక్సలేట్లు అధికంగా ఉండటం వల్ల మూత్రపిండాల్లో రాళ్లు ఏర్పడే అవకాశం ఉంటుంది. కాబట్టి కిడ్నీ సమస్యలతో బాధపడేవారు వైద్యుల సలహా తీసుకొని తీసుకోవాలి.
- థైరాయిడ్ సమస్యలు ఉన్నవారు: ఈ గ్రంధి పనితీరుపై కొంత ప్రభావం చూపే అవకాశముండటంతో, అధికంగా తీసుకోవడం కాకుండా సమతుల్యంగా తీసుకోవాలి.
- అలెర్జీ, జీర్ణ సమస్యలు ఉన్నవారు: చిన్నపిల్లలకు లేదా అలెర్జీ ఉన్నవారికి రాగులను ఇవ్వేముందు డాక్టర్ను సంప్రదించడం మంచిది.
రాగులతో చేసుకునే వంటలు:
రాగులను ఉపయోగించి పలు రకాల రుచికరమైన, ఆరోగ్యవంతమైన వంటకాలు చేయవచ్చు. రాగి జావ ,రాగిముద్ద ,రాగి ఇడ్లీ ,రాగి దోస ,రాగి లడ్డూ ,రాగి హల్వా ,రాగి చపాతీ ,రాగి కేక్ ,రాగి పరోటా ,రాగి పూరీ .
ఏ పంటను ఫింగర్ మిల్లెట్ అని పిలుస్తారు?
సాధారణ పేరు: రాగి, నాచ్ని కొన్ని ప్రాంతాలలో “రాగి” అని కూడా పిలువబడే ఫింగర్ మిల్లెట్, తూర్పు ఆఫ్రికా మరియు ఆసియాలో జీవనాధార పంటగా అపారమైన ప్రాముఖ్యతను కలిగి ఉంది. ఈ గ్లూటెన్ రహిత తృణధాన్యం దాని అసాధారణ పోషక విలువలకు గుర్తింపు పొందింది
ఫింగర్ మిల్లెట్ ఎవరు తినాలి?
దీని ఫలితంగా తిన్న తర్వాత తక్కువ గ్లైసెమిక్ ప్రతిస్పందన వస్తుంది, ఇది మధుమేహ వ్యాధిగ్రస్తులకు మరియు చక్కెర పెరుగుదలను నివారించాలనుకునే ఎవరికైనా ధాన్యం యొక్క గొప్ప ఎంపికగా మారుతుంది.
Read hindi news: hindi.vaartha.com
Read also: Onions: డయాబెటిస్తో బాధపడేవారు పచ్చి ఉల్లి తింటే ఏమవుతుందో తెలుసా
