న్యూఢిల్లీ : ఉద్యోగుల భవిష్య నిధి డిపాజిట్లపై 2024-25 సంవత్సరానికి 8.25 శాతం వడ్డీ రేటును ఈపీఎఫ్ఓ బోర్డు శుక్రవారం నిర్ణయించింది. 2024 ఫిబ్రవరిలో ఎంప్లాయీస్ ప్రావిడెంట్ ఫండ్ ఆర్గనైజేషన్ ఈపీఎఫ్ వడ్డీ రేటును 2023-24 సంవత్సరానికి స్వల్పంగా పెంచి, 8.25 శాతంగా నిర్ణయించింది. ఇదే వడ్డీ రేటును యథాతథంగా 2024-25 ఆర్థిక సంవత్సరానికి కూడా కొనసాగిస్తున్నట్లు రిటైర్మెంట్ ఫండ్ బాడీ ఈపీఎఫ్ఓ వెల్లడించింది.
22- 23 లో 8.1 శాతం
ఎంప్లాయీస్ ప్రావిడెంట్ ఫండ్ ఆర్గనైజేషన్ 2022-23లో 8.15 శాతంగా ఉన్న ఈపీఎఫ్ వడ్డీ రేటును 2023-24 ఆర్థిక సంవత్సరానికి 8.25 శాతానికి స్వల్పంగా పెంచింది. మార్చి 2022 లో, ఇపిఎఫ్ఓ తన ఏడు కోట్లకు పైగా చందాదారులకు 2021-22 సంవత్సరానికి ఇపిఎఫ్ పై వడ్డీని 2020-21 లో గరిష్టంగా ఉన్న 8.5 శాతం నుండి 8.1 శాతానికి తగ్గించింది. ఇది నాలుగు దశాబ్దాల కనిష్టం. గతంలో 1977-78 సంవత్సరంలో ఈపీఎఫ్ పై వడ్డీ రేటు అత్యల్పంగా ఉండేది.
ఈ సంవత్సరం కూడా అంతే
2024-25 సంవత్సరానికి ఈపీఎఫ్ పై 8.25 శాతం వడ్డీ రేటును అందించాలని ఈపీఎఫ్ఓ అత్యున్నత నిర్ణాయక సంస్థ సెంట్రల్ బోర్డ్ ఆఫ్ ట్రస్టీస్ శుక్రవారం జరిగిన సమావేశంలో నిర్ణయించినట్లు సంబంధిత వర్గాలు తెలిపాయి. సీబీటీ నిర్ణయం తర్వాత, 2024-25 సంవత్సరానికి ఈపీఎఫ్ డిపాజిట్లపై వడ్డీ రేటును సమ్మతి కోసం ఆర్థిక మంత్రిత్వ శాఖకు పంపుతారు. ప్రభుత్వం ఆమోదించిన తర్వాత, 2024-25 సంవత్సరానికి ఈపీఎఫ్ పై లభించే వడ్డీ ఈపీఎఫ్ఓలోని ఏడు కోట్లకు పైగా చందాదారుల ఖాతాల్లో జమ అవుతుంది. ఆర్థిక మంత్రిత్వ శాఖ ద్వారా ప్రభుత్వం ఆమోదించిన తర్వాతే ఈపీఎఫ్ఓ వడ్డీ చందాదారుల ఖాతాల్లో చేరుతుంది.
భారతీయ సర్వర్లలో త్వరలో చైనీస్ AI ప్లాట్‌ఫారమ్ డీప్‌సీక్ హోస్టింగ్ ప్రారంభం అవుతుందని ఐటీ మంత్రి అశ్విని వైష్ణవ్ గురువారం తెలిపారు. డీప్‌సీక్ ఓపెన్ సోర్స్ మోడల్ Read more
కేరళ ఆర్థిక మంత్రి కెఎన్ బాలగోపాల్ శుక్రవారం అసెంబ్లీలో 2025-26 ఆర్థిక సంవత్సరానికి బడ్జెట్‌ను సమర్పిస్తూ, రాష్ట్రం అత్యంత తీవ్రమైన ఆర్థిక సంక్షోభం నుండి బయటపడిందని అన్నారు. Read more
తెలంగాణ రాష్ట్రంలో మంత్రివర్గ విస్తరణ నేపథ్యంలో రంగారెడ్డి జిల్లాకు చెందిన కాంగ్రెస్ ఎమ్మెల్యేలు ఢిల్లీ పర్యటనను కొనసాగిస్తున్నారు. ముఖ్యమంత్రి రేవంత్ రెడ్డి త్వరలో తన మంత్రివర్గాన్ని విస్తరించనున్న Read more
హైదరాబాద్‌: తెలంగాణలో కాంగ్రెస్ పార్టీ అధికారంలోకి వచ్చి ఏడాది పూర్తవుతున్న సందర్భంగా మహబూబ్‌నగర్ జిల్లా కేంద్రంలో ఈరోజు నుండి మూడు రోజుల పాటు ‘రైతు పండుగ’ నిర్వహించనున్నారు. Read more