వాకింగ్ ఆరోగ్యానికి ఎంతో మేలు చేసే సాధారణ వ్యాయామం. అయితే, రోజులో ఏ సమయం నడవటానికి ఉత్తమమో అన్న విషయంపై చాలామందికి స్పష్టత ఉండదు. కొందరు ఉదయం నడవడానికి వీలు చేసుకుంటే, మరికొందరు సాయంత్రం నడకను ప్రాధాన్యం ఇస్తారు. అయితే, వీటిలో ఏది సాధ్యమవకపోయినా, భోజనం తర్వాత కేవలం 10-15 నిమిషాలు నడక చేయడం మీ ఆరోగ్యంపై విశేష ప్రభావాన్ని చూపిస్తుందని తాజా పరిశోధనలు సూచిస్తున్నాయి. ముఖ్యంగా రాత్రి భోజనం తర్వాత నడక చేసేవారిలో ఆరోగ్యపరమైన అనేక మార్పులు కనబడుతున్నాయని న్యూజిలాండ్‌లోని ఒటావా యూనివర్శిటీ పరిశోధకులు తేల్చారు.
భోజనం తర్వాత నడక వల్ల కలిగే ముఖ్యమైన లాభాలు
జీర్ణక్రియను మెరుగుపరిచే శక్తి
భోజనం చేసిన వెంటనే పడుకోవడం మన జీర్ణవ్యవస్థపై ప్రతికూల ప్రభావాన్ని చూపిస్తుంది. కానీ భోజనం అనంతరం తేలికగా నడవడం కడుపు, ప్రేగులను ఉత్తేజితం చేస్తుంది. ఫలితంగా, ఆహారం త్వరగా జీర్ణమవుతుంది, అలాగే యాసిడ్ రిఫ్లక్స్, అజీర్ణం వంటి సమస్యలు తగ్గుతాయి. పేగుల కదలిక మెరుగుపడి, మంచి ఆరోగ్యాన్ని అందిస్తుంది.
రక్తంలో చక్కెర స్థాయిలను నియంత్రణ
భోజనం తర్వాత నడక మన శరీరంలో గ్లూకోజ్ స్థాయిలను సమతుల్యం చేయడంలో సహాయపడుతుంది. నడక ద్వారా ఇన్సులిన్ సెన్సిటివిటీ మెరుగుపడటంతో రక్తంలో చక్కెర స్థాయిలు నియంత్రించబడతాయి. ఇది ముఖ్యంగా టైప్ 2 డయాబెటిస్ ఉన్నవారికి, అలాగే ప్రీ-డయాబెటిక్ రిస్క్ ఉన్నవారికి ఎంతో మేలు చేస్తుంది.
బరువు నియంత్రణకు తోడ్పాటు
నడక అనేది శరీరంలో అదనపు కేలరీలను ఖర్చు చేయించడంలో కీలక పాత్ర పోషిస్తుంది. భోజనం తర్వాత నడవడం ద్వారా జీవక్రియ వేగంగా పనిచేసి, కొవ్వు నిల్వలను తగ్గించడంలో సహాయపడుతుంది. ఈ అలవాటు బరువు తగ్గే ప్రక్రియను ప్రోత్సహిస్తుంది మరియు అదనపు బరువు పెరగకుండా కాపాడుతుంది.
ఒత్తిడి తగ్గించడం, మంచి నిద్రకు దోహదం
భోజనం అనంతరం నడవడం మనసుకు ప్రశాంతతను కలిగిస్తుంది. ఇది ఒత్తిడిని తగ్గించడంతో పాటు, మెదడును ప్రశాంతంగా ఉంచుతుంది. మెలటోనిన్ ఉత్పత్తి పెరుగుతుంది. ఫలితంగా, నిద్ర నాణ్యత మెరుగుపడుతుంది, అర్థరాత్రి మేల్కొనడం వంటి సమస్యలు తగ్గుతాయి.
ఎన్ని నిమిషాలు నడవాలి?
పరిశోధనల ప్రకారం, భోజనం తర్వాత కనీసం 10-15 నిమిషాలు నడవడం ఆరోగ్యానికి ఎంతో మేలు చేస్తుంది. అయితే, 30 నిమిషాల వరకు నడవడం మరింత ప్రయోజనం అందిస్తుంది. ముఖ్యంగా రాత్రి భోజనం తర్వాత ఈ అలవాటు పాటిస్తే మెరుగైన ఆరోగ్య ఫలితాలు పొందొచ్చు.
ఎవరికైనా నడక మేలా?
డయాబెటిస్ రిస్క్ ఉన్నవారు
అధిక బరువున్న వారు
రక్తపోటుతో బాధపడుతున్నవారు
జీర్ణ సమస్యలు ఎదుర్కొనే వారు. గుండె సంబంధిత సమస్యలు ఉన్నవారు.
జీన్స్ అనేది నేటి ఫ్యాషన్ ప్రపంచంలో అత్యంత ప్రాచుర్యం పొందిన దుస్తులలో ఒకటి. స్టైల్, ట్రెండ్స్‌లో ముందు ఉండటానికి యువత ఎక్కువగా జీన్స్‌ను ఎంచుకుంటున్నారు. కానీ, తరచుగా Read more
ఈ కాలంలో శబ్ద కాలుష్యం అనేది పెద్ద సమస్యగా మారింది. నగరాల్లో ఉండే అనేక రహదారుల మీద ట్రాఫిక్, నిర్మాణ పనులు, ట్రక్కులు, బస్సులు, మరియు ఇతర Read more
చూయింగ్ గమ్‌ను ప్రపంచవ్యాప్తంగా కోట్లాది మంది తింటుంటారు. పిల్లలనుండి పెద్దల వరకు చాలా మందికి ఇది అలవాటుగా మారింది. అయితే, తాజా పరిశోధనల ప్రకారం, చూయింగ్ గమ్‌లో Read more
మెడ ప్రాంతంలో నలుపు అనేది చాలా మందికి ఇబ్బంది కలిగించే సమస్య. ఈ పరిస్థితి ఎందుకు ఏర్పడుతుందో దాని లక్షణాలు మరియు నివారణ గురించి తెలుసుకుందాం. కారణాలు Read more