Tirumala feedback system: తిరుమల తిరుపతి దేవస్థానం (TTD) భక్తులకు అందించే సేవల ప్రమాణాన్ని ఇంకా పెంచే దిశగా కొత్త చర్యలు ప్రారంభించింది. ముఖ్యమంత్రి నారా చంద్రబాబు నాయుడు(Chandrababu Naidu) సూచనలతో, భక్తుల అభిప్రాయాలు మరియు సూచనలను నేరుగా సేకరించేందుకు విస్తృత స్థాయి ఫీడ్బ్యాక్ వ్యవస్థను అమల్లోకి తెచ్చింది. ఈ క్రమంలో ఐవీఆర్ఎస్, వాట్సాప్ ప్లాట్ఫారమ్తో పాటు, శ్రీవారి సేవకుల ద్వారా కూడా అభిప్రాయ సేకరణకు అవకాశం కల్పించింది.
Read Also: Tirumala: శ్రీవారి బంగారు డాలర్లు మళ్లీ అందుబాటులో
అన్నప్రసాదం, వసతి, దర్శనం సేవలపై స్పందించడానికి అవకాశం
భక్తులు ఇప్పుడు తమ తిరుమల ప్రయాణ అనుభవాలను సులభంగా టీటీడీకి తెలియజేయగలరు. ఐవీఆర్ఎస్ సర్వే ద్వారా అన్నప్రసాదం, వసతి, కల్యాణ కట్ట, దర్శనం వంటి 17 విభాగాలపై రేటింగ్ ఇవ్వడమే కాక, తమ సూచనలను కూడా నమోదు చేయవచ్చు. అదనంగా, తిరుపతి–తిరుమల ప్రాంతాల్లో ఏర్పాటు చేసిన క్యూఆర్ కోడ్ను స్కాన్ చేసి వాట్సాప్ (9399399399) ద్వారా 600 అక్షరాల్లో టెక్స్ట్ రూపంలో లేదా వీడియో రూపంలో ఫీడ్బ్యాక్ను పంపే అవకాశాన్ని ఏర్పాటు చేశారు. సేవలపై ‘ఉత్తమం’, ‘సగటు’, ‘తగినంత కాదు’ వంటి రేటింగ్లు ఇవ్వగల విధానాన్ని కూడా అందుబాటులో ఉంచారు.
ఇదే విధంగా శ్రీవారి సేవకులు ప్రత్యక్షంగా భక్తులను కలిసి ప్రశ్నావళి ఆధారంగా అభిప్రాయాలు నమోదు చేస్తున్నారు. అంతేకాకుండా, ఇప్పటికే కొనసాగుతున్న ‘డయల్ యువర్ ఈవో’ కార్యక్రమం (0877-2263261) మరియు ఈ–మెయిల్ ద్వారా కూడా సూచనలు పంపవచ్చు. ఈ అన్ని మార్గాల ద్వారా వచ్చే అభిప్రాయాలను విశ్లేషించి, భవిష్యత్తులో భక్తులకు ఇంకా మెరుగైన సేవలను అందించేందుకు చర్యలు చేపడతామని టీటీడీ అధికారులు వెల్లడించారు.
Read hindi news: hindi.vaartha.com
Epaper: epaper.vaartha.com
Read also: