📢 For Advt Booking: 9848112870

Categories

హోమ్

రాశి ఫలాలు

ఆంధ్రప్రదేశ్

వార్తలు

సినిమా

క్రీడలు

క్రైమ్

ఇంకా

సండే మ్యాగజిన్

E-Paper

About Us

Contact Us

DMCA Policy

Privacy Policy

Terms & Conditions

TTD: వైకుంఠ ఏకాదశికి సర్వాంగ సుందరంగా తిరుమల.. ఫోటోలు ఇవిగో!

Author Icon By Tejaswini Y
Updated: December 30, 2025 • 10:23 AM
వాట్సాప్‌లో ఫాలో అవండి

తిరుమల: కలియుగ వైకుంఠంగా భావించే తిరుమలలో శ్రీవేంకటేశ్వర స్వామి వారి వైకుంఠ ఏకాదశి బ్రహ్మోత్సవాలకు సర్వం సిద్ధమైంది. డిసెంబర్ 30, మంగళవారం నుంచి ప్రారంభమయ్యే ఈ మహోత్సవాల కోసం తిరుమల తిరుపతి దేవస్థానం (TTD) విస్తృత ఏర్పాట్లు పూర్తి చేసింది. భక్తుల రద్దీ అధికంగా ఉండనున్న నేపథ్యంలో ఈసారి పది రోజుల పాటు వైకుంఠ ద్వార దర్శనాన్ని అందించనున్నట్లు అధికారులు ప్రకటించారు.

Read Also: AP: ప్రజలకు వైకుంఠ ఏకాదశి శుభాకాంక్షలు తెలిపిన సీఎం చంద్రబాబు

TTD: Tirumala is all beautiful for Vaikuntha Ekadashi..Here are the photos!

ఆలయాన్ని కన్నులపండువగా ముస్తాబు చేయడంలో టీటీడీ(Tirumala Tirupati Devasthanams) ఉద్యానవన విభాగం ప్రత్యేకంగా శ్రమించింది. సుమారు 50 టన్నుల సాంప్రదాయ పూలు, 10 టన్నుల తాజా పండ్లు, దాదాపు 4 లక్షల కట్ ఫ్లవర్స్‌తో ఆలయ పరిసరాలను అద్భుతంగా అలంకరించారు. అదేవిధంగా, రంగురంగుల విద్యుద్దీపాల కాంతుల్లో తిరుమల కొండ ప్రాంతం వెలుగులతో మెరిసిపోతోంది.

భక్తుల దర్శన సౌకర్యార్థం టీటీడీ పలు కీలక మార్గదర్శకాలను అమలు చేస్తోంది. డిసెంబర్ 30 నుంచి జనవరి 1 వరకు ముందుగా టోకెన్లు పొందిన భక్తులకే దర్శనం కల్పించనున్నారు. టోకెన్లు లేని భక్తులు జనవరి 2 నుంచి 8వ తేదీ వరకు వైకుంఠ ద్వార దర్శనం చేసుకునే అవకాశం ఉంటుంది. దర్శనానికి వచ్చే భక్తులు ఆధార్ కార్డు, ప్రింటెడ్ టోకెన్ తప్పనిసరిగా తీసుకురావాలని అధికారులు సూచించారు. కృష్ణతేజ, ఏటీజీహెచ్, శిలాతోరణం వద్ద ప్రత్యేక క్యూలైన్లను ఏర్పాటు చేశారు.

వైకుంఠ ఏకాదశి రోజున సుమారు 70 వేల మంది భక్తులు స్వామివారిని దర్శించుకునే అవకాశం ఉందని టీటీడీ(Tirumala Tirupati Devasthanams) ఛైర్మన్ బి.ఆర్. నాయుడు తెలిపారు. సామాన్య భక్తులకు ఇబ్బందులు కలగకుండా రోజుకు దాదాపు 20 గంటల పాటు దర్శనాన్ని కొనసాగించనున్నట్లు వెల్లడించారు. క్యూలైన్లలో ఉన్న భక్తులకు శ్రీవారి సేవకుల ద్వారా అన్నప్రసాదాలు, తాగునీరు నిరంతరంగా అందిస్తున్నట్లు చెప్పారు. భద్రతా దృష్ట్యా 3,000 మంది పోలీసులతో పటిష్టమైన బందోబస్తు ఏర్పాటు చేశారు. రేపు ఉదయం స్వర్ణ రథోత్సవం, మరుసటి రోజు చక్రస్నానం కార్యక్రమాలు ఘనంగా నిర్వహించనున్నారు.

Read hindi news: hindi.vaartha.com

Epaper : epaper.vaartha.com

Read Also:

Lord Venkateswara Sri Venkateswara Swamy tirumala Tirumala temple tirupati TTD TTD Arrangements Vaikunta Dwara Darshan vaikunta ekadasi

గమనిక: ఈ వెబ్ సైట్ లో ప్రచురించబడిన వార్తలు పాఠకుల సమాచార ప్రయోజనాల కోసం ఉద్దేశించి మాత్రమే ఇస్తున్నాం. మావంతుగా యధార్థమైన సమాచారాన్ని ఇచ్చేందుకు కృషి చేస్తాము.