తిరుమల శ్రీ వేంకటేశ్వర స్వామి దర్శనానికి భక్తుల రద్దీ రోజురోజుకీ పెరుగుతోంది. సెలవులు, శుభకార్యాల సీజన్ కావడంతో దేశవ్యాప్తంగా వివిధ రాష్ట్రాల నుంచి భక్తులు(Devotee Rush) భారీగా తరలివస్తున్నారు. దీంతో దర్శనార్థులు శిలాతోరణం వరకు విస్తరించిన క్యూ లైన్లలో గంటల తరబడి నిరీక్షించాల్సిన పరిస్థితి ఏర్పడింది.
Read Also: Shivraj Singh Chauhan: అప్పన్నను దర్శించుకున్న కేంద్ర మంత్రి
టీటీడీ(TTD) అధికారులు తెలిపిన సమాచారం ప్రకారం, సర్వదర్శనానికి ప్రస్తుతం సగటున 24 గంటల సమయం పడుతోంది. ప్రత్యేక ప్రవేశ దర్శనాలకూ ఆలస్యం తప్పడం లేదు. భక్తుల రద్దీని దృష్టిలో పెట్టుకుని క్యూ కాంప్లెక్సుల్లో అదనపు సిబ్బందిని నియమించారు. తాగునీరు, అన్నప్రసాదం, శానిటేషన్, వైద్య సదుపాయాలను మరింత మెరుగుపరిచామని తెలిపారు.
వృద్ధులు, దివ్యాంగులు, చిన్నపిల్లలతో వచ్చే భక్తుల కోసం ప్రత్యేక లైన్లు ఏర్పాటు చేసి సౌకర్యాలు కల్పిస్తున్నారు. ఎండల తీవ్రతను దృష్టిలో పెట్టుకుని షామియానాలు, ఫ్యాన్లు, వాటర్ ట్యాంకర్లను ఏర్పాటు చేసినట్లు అధికారులు వెల్లడించారు. భక్తులు సహకరిస్తే దర్శన ప్రక్రియ సాఫీగా కొనసాగుతుందని టీటీడీ(Tirumala Tirupati Devasthanams) విజ్ఞప్తి చేసింది.
Read hindi news: hindi.vaartha.com
Epaper : epaper.vaartha.com
Read Also:
