తెలంగాణ రాష్ట్రంలోని జగిత్యాల జిల్లా, వెల్లుల్ల అనే చిన్న గ్రామం ప్రస్తుతం భక్తి, విశ్వాసానికి ప్రతీకగా నిలుస్తోంది. సుమారు 2,500 మందికే పరిమితమైన ఈ గ్రామం ప్రత్యేకత ఏంటంటే ..ఇక్కడ ఎటు చూసినా ఆంజనేయ స్వామి ఆలయాలే కనబడతాయి. గ్రామంలో మొత్తం 45 హనుమాన్ దేవాలయాలు ఉండటమే ఈ ఊరి విశేషం. ప్రతి వీధి, ప్రతి మూలలో గానీ, వాడలో గానీ భగవంతుడి ఆరాధన ప్రతిఫలంగా కనిపిస్తుంది. వెల్లుల్లలో అడుగుపెట్టిన వాడెవడైనా ఈ విభిన్న దృశ్యాన్ని చూసి ఆశ్చర్యపోతాడు. చిన్న గ్రామంలో ఇంత పెద్ద సంఖ్యలో ఆలయాలు ఉండటం భక్తిశ్రద్ధకు నిదర్శనం అని చెప్పాలి.
Latest News: Netflix: నెట్ఫ్లిక్స్లోకి సిద్ధూ, ప్రదీప్ సినిమాలు
పూర్వం కాలంలో ఈ గ్రామంలో ఎక్కువగా బ్రాహ్మణ కుటుంబాలు నివసించేవి. ఆ కాలంలో ప్రతి వంశం తమ కుటుంబానికి ప్రత్యేకంగా ఆంజనేయ స్వామి గుడి నిర్మించుకుని పూజలు చేయడం ఆచారం చేసుకున్నారట. కాలక్రమంలో ఆ కుటుంబాలు మారిపోయినా, వారి భక్తి పరంపర మాత్రం ఆగలేదు. తరతరాలుగా ఈ దేవాలయాల సంరక్షణ, పూజలు, హనుమాన్ జయంతి వేడుకలు గ్రామస్తుల చేతుల మీదుగా కొనసాగుతున్నాయి. ప్రతి ఆలయంలోనూ క్రమం తప్పకుండా పూజలు, అర్చనలు జరుగుతుండటం ఈ గ్రామానికి ఆధ్యాత్మిక వాతావరణాన్ని తెచ్చిపెట్టింది. గ్రామంలో ఏ సమయంలో చూసినా మంత్రోచ్ఛారణలు, శంఖనాదాలు వినిపించడం సాధారణమైపోయింది.
వెల్లుల్ల గ్రామం ఇప్పుడు ఆధ్యాత్మిక పర్యాటకంగా మారే అవకాశముంది. ఆంజనేయుడిపై ఇంత విస్తృతమైన ఆరాధన ఎక్కడా కనిపించదని స్థానికులు గర్వంగా చెబుతున్నారు. పండుగల సమయంలో ఈ గ్రామం మొత్తం ఒక మహోత్సవ వాతావరణంలో మునిగిపోతుంది. హనుమాన్ జయంతి, హనుమాన్ దండకం పారాయణం వంటి కార్యక్రమాలకు పరిసర ప్రాంతాల నుండి భక్తులు భారీగా తరలివస్తారు. చిన్న గ్రామం అయినప్పటికీ భక్తి పరమార్థంలో వెల్లుల్ల తెలంగాణలోని ఆధ్యాత్మిక కేంద్రాల్లో ఒక ప్రత్యేక స్థానాన్ని సంపాదించుకుంది. “ఓ ఆంజనేయా రక్ష మాం” అనే నినాదం ఈ గ్రామంలో ప్రతి ఇంటి గాలి మాదిరిగా వినిపిస్తుంటుంది.
Read hindi news: https://hindi.vaartha.com
Epaper : https://epaper.vaartha.com/