హైదరాబాద్ పాతబస్తీలోని ప్రసిద్ధ లాల్దర్వాజ సింహవాహిని మహంకాళి అమ్మవారి ఆలయంలో ఆదివారం విశేష భక్తి శ్రద్ధలతో బోనాల ఉత్సవాలు జరిగాయి. ఈ ఉత్సవాల్లో ప్రముఖ భారత బ్యాడ్మింటన్ క్రీడాకారిణి పీవీ సింధు (PV Sindhu) పాల్గొన్నారు. సంప్రదాయ వస్త్రధారణలో మెరిసిపోతూ సింధు మహంకాళి అమ్మవారికి బోనం సమర్పించి, ప్రత్యేక పూజలు చేశారు.పీవీ సింధు ఆలయానికి చేరుకోగానే కమిటీ సభ్యులు (Committee members) ఘనంగా స్వాగతం పలికారు. మేళతాళాల నినాదాల నడుమ ఆమెను ఆలయ ప్రాంగణంలోకి ఆహ్వానించారు. ఆపై శాలువాతో సత్కరించి అమ్మవారి తీర్థప్రసాదాలను అందించారు. అనంతరం అమ్మవారికి బోనం సమర్పించిన సింధు ప్రత్యేక పూజలు నిర్వహించి మొక్కులు తీర్చుకున్నారు.
పీవీ సింధు మీడియాతో మాట్లాడుతూ
ఈ సందర్భంగా పీవీ సింధు మీడియాతో మాట్లాడుతూ, “2015 నుండి ప్రతి ఏడాది అమ్మవారిని దర్శించుకుంటూ బోనం సమర్పిస్తున్నాను. అమ్మవారి ఆశీస్సులతోనే నా జీవితంలో ఎన్నో విజయాలు వచ్చాయి. ఈ భక్తి పర్వదినంలో పాల్గొనడం నాకు ఎంతో ఆనందంగా ఉంది,” అని తెలిపారు.భక్తి, ఆధ్యాత్మికతతో కూడిన పండుగల్లో ఒకటైన బోనాల (Bonalu) ఉత్సవం తెలంగాణ రాష్ట్ర ప్రజల ఆత్మతో సమానమైంది. మహిళలు, భక్తులు పెద్దఎత్తున ఆలయానికి తరలివచ్చి అమ్మవారికి బోనాలు సమర్పించారు. పీవీ సింధు వంటి అంతర్జాతీయ క్రీడాకారిణి ఆలయానికి విచ్చేసి సంప్రదాయాన్ని పాటిస్తూ భక్తిశ్రద్ధలతో అమ్మవారిని దర్శించుకోవడం ప్రత్యేక ఆకర్షణగా మారింది.
పీవీ సింధు ఎక్కడ పుట్టింది?
పీవీ సింధు 1995 జూలై 5న హైదరాబాద్ (ప్రస్తుతం తెలంగాణలో) జన్మించింది.
పీవీ సింధు కుటుంబ నేపథ్యం ఏమిటి?
పీవీ సింధు తండ్రి పీవీ రమణ వాలీబాల్ క్రీడాకారుడు. ఆయన అర్జున అవార్డు గ్రహీత. తల్లి పీవీ విజయ కూడా వాలీబాల్ ప్లేయర్.
Read hindi news: hindi.vaartha.com
Read also: Rishabh Pant: పంత్ గాయంపై బ్యాటింగ్ కోచ్ అప్డేట్