తెలంగాణలోని యాదగిరిగుట్ట శ్రీ లక్ష్మీనరసింహ స్వామి దేవస్థానం (Yadagirigutta Sri Lakshmi Narasimha Swamy Temple) దేశవ్యాప్తంగా మాత్రమే కాకుండా ప్రపంచవ్యాప్తంగా కూడా పేరు తెచ్చుకున్న పుణ్యక్షేత్రంగా వెలుగొందుతోంది. యాదాద్రి ఆలయ పునర్నిర్మాణం అనంతరం భక్తుల సంఖ్య రోజురోజుకూ పెరుగుతుండగా, ఆలయ ఆధ్వర్యంలో జరుగుతున్న పూజా కార్యక్రమాలు, ఆధ్యాత్మిక సేవలు అంతర్జాతీయ స్థాయిలో కూడా చర్చనీయాంశమవుతున్నాయి. తాజాగా కెనడా ప్రధాని మార్క్ కార్నీ ఈ ఆలయంపై ప్రశంసలు కురిపించడం విశేషంగా మారింది. ఇది కేవలం యాదాద్రి ఆలయానికి మాత్రమే కాకుండా మొత్తం తెలంగాణ రాష్ట్రానికి గర్వకారణంగా నిలిచింది.కెనడా రాజధాని ఒట్టావాలోని ఈవై సెంటర్లో యాదాద్రి శ్రీ లక్ష్మీనరసింహ స్వామివారి కల్యాణ మహోత్సవం ఘనంగా నిర్వహించారు.
విజయవంతంగా నిర్వహించిన
అక్కడి తెలుగు, హిందూ సమాజం ఈ మహోత్సవాన్ని ఎంతో భక్తి శ్రద్ధలతో నిర్వహించగా, వేలాది మంది భక్తులు హాజరై స్వామివారి కల్యాణాన్ని ప్రత్యక్షంగా చూసే అదృష్టం పొందారు. ఈ కార్యక్రమం విజయవంతంగా నిర్వహించిన నిర్వాహకులను స్వయంగా కెనడా ప్రధాని మార్క్ కార్నీ (Canadian Prime Minister Mark Carney) అభినందించడం ఒక చారిత్రక ఘట్టంగా నిలిచింది. ఆయన ప్రత్యేక లేఖ ద్వారా తన హృదయపూర్వక శుభాకాంక్షలు తెలుపుతూ, హిందూ సంప్రదాయాల ఆధ్యాత్మికత, ఐక్యతా భావాన్ని కొనియాడారు.పవిత్ర సంప్రదాయాలను కొనసాగించేందుకు, సమాజ విలువలను గౌరవించేందుకు స్వామివారి కల్యాణం ఒక చక్కని అవకాశమని అభివర్ణించారు. ఒట్టావాలో భక్తులందరినీ ఒకే వేదికపైకి తీసుకురావడంలో ఆలయ నిర్వాహకులు, సమన్వయకర్తలు చూపిన చొరవను ఆయన ప్రశంసించారు.
ప్రపంచవ్యాప్తంగా ఉన్న భక్తులకు మరింత చేరువ
అంతేకాకుండా కెనడా సమాజాన్ని మరింత సుసంపన్నం చేయడంలో హిందూ సమాజం పోషిస్తున్న పాత్రను అభినందించారు.కెనడా ప్రధాని నుంచి అభినందన లేఖ రావడంపై తెలంగాణ రాష్ట్ర దేవాదాయ శాఖ మంత్రి కొండా సురేఖ, ఆలయ ఈఓ వెంకట్రావు హర్షం వ్యక్తం చేశారు. ఇది యాదగిరిగుట్ట దేవస్థానానికి దక్కిన గొప్ప గౌరవంగా వారు పేర్కొన్నారు. స్వామివారి సేవలను ప్రపంచవ్యాప్తంగా ఉన్న భక్తులకు మరింత చేరువ చేసేందుకు కృషి చేస్తామన్నారు. ఈ క్రమంలోనే ఈ నెల 27వ తేదీ వరకు కెనడాలోని నాలుగు రాష్ట్రాల్లో స్వామివారి కల్యాణోత్సవాలను వైభవంగా నిర్వహించనున్నట్లు తెలిపారు. భవిష్యత్తులోనూ ఇలాంటి ఆధ్యాత్మిక కార్యక్రమాలను విస్తృతంగా కొనసాగిస్తామని వారు వెల్లడించారు.
యాదగిరిగుట్ట ఆలయం ప్రత్యేకత ఏమిటి?
స్వామివారు యోగి నరసింహ, గంధభేరుండ నరసింహ, ఉగ్ర నరసింహ, లక్ష్మీ నరసింహ, జ్వాల నరసింహ అనే ఐదు రూపాల్లో దర్శనమిస్తారు.
ఈ ఆలయాన్ని ఎవరు ప్రతిష్టించారు?
పురాణాల ప్రకారం, మహర్షి యాదవ ప్రాచుర్యం వల్ల ఈ క్షేత్రానికి యాదగిరిగుట్ట అనే పేరు వచ్చింది.
Read hindi news: hindi.vaartha.com
Read also: