Tirumala : తిరుమల శ్రీ వేంకటేశ్వరస్వామి దర్శనార్థం విచ్చేసే భక్తులకు సరికొత్త ఆధ్యాత్మిక అనుభూతిని అందించేందుకు వైకుంఠం క్యూ కాంప్లెక్స్-1లో ఒక ప్రత్యేక ‘డివోషనల్ ఎక్స్‌పీరియెన్స్ అండ్ హీలింగ్ సెంటర్’ను అందుబాటులోకి తీసుకువచ్చారు. పవిత్రమైన క్యూ లైన్లలో గంటల తరబడి వేచి ఉండే భక్తులకు మానసిక ప్రశాంతత, ఆధ్యాత్మిక భావన కలిగించడమే ఈ కేంద్రం యొక్క ముఖ్య ఉద్దేశం. ఇందులో ఆర్టిఫిషియల్ ఇంటెలిజెన్స్ (AI), వర్చువల్ రియాలిటీ (VR) సాంకేతికతల సహాయంతో తిరుమల క్షేత్ర మహత్యం, శ్రీవారి దివ్య చరిత్ర, ఆవిర్భావ ఘట్టాలు మరియు వైభవాన్ని అత్యంత అద్భుతంగా, కళ్లకు కట్టినట్లు ప్రదర్శించనున్నారు.
Read Also : వినాయక చవితి పూజ లో ఇవి లేకపోతే వ్యర్థమే !
ముఖ్యమంత్రి చేతుల మీదుగా ప్రారంభం.. టీటీడీ ఆధునిక అడుగులు
గతేడాది సాలకట్ల బ్రహ్మోత్సవాల సమయంలో తిరుమల సందర్శించిన ఆంధ్రప్రదేశ్ ముఖ్యమంత్రి నారా చంద్రబాబు నాయుడు ఇచ్చిన ప్రత్యేక సూచనల మేరకు తిరుమల తిరుపతి దేవస్థానం (టీటీడీ) ఈ వినూత్న ప్రాజెక్టును వేగవంతంగా పూర్తి చేసింది. సాంకేతికతను భక్తిభావంతో మేళవించి రూపొందించిన ఈ హీలింగ్ సెంటర్‌ను ఈ నెల 16న ముఖ్యమంత్రి చేతుల మీదుగా అధికారికంగా ప్రారంభించనున్నారు. భక్తులు స్వామివారి దర్శనానికి వెళ్లే ముందు ఈ డిజిటల్ అనుభూతి ద్వారా ఆధ్యాత్మిక ఉత్తేజాన్ని పొంది, తిరుమల యాత్రను మరింత స్మరణీయంగా మార్చుకోగలరని టీటీడీ వర్గాలు భావిస్తున్నాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :
