Geeturoyal Tirumala Reels Controversy: తిరుమల శ్రీవారి పవిత్ర క్షేత్రం తిరుమలలో నిబంధనల ఉల్లంఘనలు మరోసారి చర్చనీయాంశంగా మారాయి. ప్రముఖ యూట్యూబర్, బిగ్ బాస్ ఫేమ్ గీతూ రాయల్ తన స్నేహితులతో కలిసి తిరుమల ఘాట్ రోడ్డులో రీల్స్ చిత్రీకరించి సోషల్ మీడియాలో పోస్ట్ చేయడం ఇప్పుడు వివాదానికి దారితీసింది.
Read Also: Vijay Sangeetha Divorce: విజయ్ భార్య సంగీత ఎవరు? ఆమె బ్యాగ్రౌండ్ ఏంటి?
నిబంధనల ఉల్లంఘనపై విమర్శలు
సాధారణంగా తిరుమల కొండపై మరియు ఘాట్ రోడ్లలో భద్రతా కారణ దృష్ట్యా, అలాగే పవిత్రతను కాపాడటం కోసం కొన్ని కఠిన నిబంధనలు అమలులో ఉన్నాయి. అయితే, గీతూ రాయల్ తన టీమ్తో కలిసి అక్కడ వీడియోలు చేయడం, వాటిని ప్రచారానికి వాడుకోవడంపై భక్తులు మండిపడుతున్నారు.
“తిరుమల అనేది భక్తికి నిలయం, కానీ కొంతమంది దీనిని షూటింగ్ స్పాట్గా మారుస్తున్నారు” అని నెటిజన్లు సామాజిక మాధ్యమాల్లో ఆగ్రహం వ్యక్తం చేస్తున్నారు. భక్తి భావాన్ని దెబ్బతీసేలా ప్రవర్తించే వారిపై తిరుమల తిరుపతి దేవస్థానం (TTD) కఠిన చర్యలు తీసుకోవాలని పెద్ద ఎత్తున డిమాండ్లు వినిపిస్తున్నాయి. తిరుమల పవిత్రతకు భంగం కలిగించేలా ప్రవర్తించి వివాదాల్లో చిక్కుకోవడం ఇదే మొదటిసారి కాదు. గతంలో నటీమణులు ప్రియాంక జైన్, శివాని నాగారం వంటి వారు కూడా ఇలాంటి కారణాలతోనే భక్తుల నుండి విమర్శలు ఎదుర్కొన్నారు. సెలబ్రిటీలు వ్యూస్ కోసం పవిత్ర క్షేత్రాలను వాడుకోవడం సరికాదని భక్తులు సూచిస్తున్నారు.
Read hindi news: hindi.vaartha.com
Epaper: epaper.vaartha.com
Read Also: