TTD : భక్తులు ఈ ప్రకటన గమనించి టికెట్లు బుక్ చేసుకోవాలన్న టీటీడీ

తిరుమల తిరుపతి (Tirumala Tirupati) దేవస్థానం (టీటీడీ) అక్టోబరు నెల (TTD) October) కు సంబంధించిన దర్శన, సేవల టికెట్లను ఆన్‌లైన్‌లో విడుదల చేసింది. భక్తులు తమ టికెట్లను అధికారిక వెబ్‌సైట్ ttdevasthanams.ap.gov.in ద్వారా బుక్ చేసుకోవచ్చు. ఈ సందర్భంగా టీటీడీ కొన్ని ముఖ్యమైన మార్పుల గురించి కూడా వెల్లడించింది.అక్టోబరు 4 నుంచి 12 వరకు తిరుమలలో శ్రీవారి వార్షిక బ్రహ్మోత్సవాలు జరగనున్నాయి. ఈ సమయంలో భక్తుల రద్దీ అధికంగా ఉండే అవకాశం ఉంది. అందుకే, అక్టోబరు 4 నుండి 10వ తేదీ వరకు సుప్రభాత సేవ తప్ప అన్ని ఆర్జిత సేవలు రద్దు చేశారు. అక్టోబరు 11, 12న అన్ని సేవలు రద్దు చేసినట్లు టీటీడీ తెలిపింది. వర్చువల్ సేవలు, అంగప్రదక్షిణలు కూడా అక్టోబరు 3 నుంచి 13వ తేదీ వరకు అందుబాటులో ఉండవు.

విభిన్న సేవల కోసం టికెట్ల విడుదల తేదీలు

ప్రత్యేక ప్రవేశ దర్శనం టికెట్లు (రూ. 300): జూలై 24 ఉదయం 10 గంటలకు విడుదల
ఆర్జిత సేవా టికెట్లు (కల్యాణోత్సవం మొదలైనవి): జూలై 22 ఉదయం 10 గంటలకు విడుదల
ఎలక్ట్రానిక్ లక్కీ డిప్ నమోదు: జూలై 20 ఉదయం 10 గంటల వరకు అవకాశం
లక్కీ డిప్ విజేతలు చెల్లించాల్సిన గడువు: జూలై 20–22 మధ్యాహ్నం 12 గంటల లోపు
వసతి కోటా విడుదల: జూలై 24 మధ్యాహ్నం 3 గంటలకు

శ్రీవారి సేవలు విడుదల తేదీలు:

శ్రీవారి సేవ – జూలై 27 ఉదయం 11 గంటలకు
నవనీత సేవ – మధ్యాహ్నం 12 గంటలకు
పరకామణి సేవ – మధ్యాహ్నం 1 గంటకు
శ్రీవాణి ట్రస్టు టికెట్లు: జూలై 23 ఉదయం 11 గంటలకు
వృద్ధులు, దివ్యాంగులకు ప్రత్యేక కోటా: జూలై 23 మధ్యాహ్నం 3 గంటలకు

టీటీడీ సూచనలు

భక్తులు ఈ మార్పులను గమనించి, టికెట్ల బుకింగ్ కోసం కేవలం టీటీడీ అధికారిక వెబ్‌సైట్‌ను మాత్రమే వినియోగించాలని విజ్ఞప్తి చేశారు. తప్పుడు వెబ్‌సైట్‌లకు, మోసపూరిత లింకులకు లోనవద్దని హెచ్చరించారు.