బ్రిటిష్ నటి, గాయని సింథియా (Cynthia Erivo) ఎరివో తాజాగా తన నోటికి బీమా చేయించుకోవడం చర్చనీయాంశమైంది. ఇప్పటి వరకు పలువురు ప్రముఖులు శరీర భాగాలకు బీమా చేయించుకున్నప్పటికీ, నోటి బీమా (Oral insurance) అరుదైన విషయం.సింథియా లిస్టెరిన్ మౌత్వాష్ బ్రాండ్ నిర్వహిస్తున్న ‘వాష్ యువర్ మౌత్’ కార్యక్రమానికి ప్రచారకర్త. నోటి శుభ్రతపై ఆమె ప్రత్యేక శ్రద్ధ చూపుతారని స్థానిక మీడియా తెలిపింది.
నవ్వు, గొంతుపై ప్రత్యేక శ్రద్ధ
తన నవ్వు, గొంతులోని ప్రత్యేకతే తన విజయానికి కారణమని సింథియా వెల్లడించారు. వేదికపై ప్రదర్శనకు ముందు ఆమె తప్పనిసరిగా బ్రష్ చేసి మౌత్వాష్ ఉపయోగిస్తారు.సింథియా తన రెండు దంతాల మధ్య ఖాళీని, ప్రత్యేకమైన నవ్వును, గొంతును కాపాడుకోవాలనే ఉద్దేశంతో నోటికి బీమా చేయించుకున్నట్లు సమాచారం.
విజయవంతమైన కెరీర్
38 ఏళ్ల సింథియా తన నటన, గాత్రంతో ప్రపంచవ్యాప్తంగా అభిమానులను సంపాదించారు. ఎమ్మీ, గ్రామీ, ఆస్కార్, టోనీ వంటి ప్రతిష్ఠాత్మక అవార్డులకు ఆమె నామినేషన్లు పొందారు.
అవార్డులు, గుర్తింపు
ఆస్కార్ మినహా మిగిలిన ప్రధాన పురస్కారాలను సింథియా గెలుచుకున్నారు. హాలీవుడ్లో అత్యంత విలువైన చిరునవ్వు కలిగిన మహిళగా ఆమెను అభిమానులు అభివర్ణిస్తున్నారు.సింథియా నిర్ణయం అభిమానుల్లో ఆసక్తి రేపింది. నటి తన నవ్వు, గొంతుపై ఉన్న మమకారాన్ని ఇది స్పష్టంగా చూపిస్తోంది.
Read Also : India vs England 5th Test : టీమిండియా బ్యాటింగ్ కు వర్షం అంతరాయం
