YouTuber Vaishnavi Murder updates: జగిత్యాల జిల్లా కోరుట్ల మండలంలో అత్యంత పాశవిక ఘటన వెలుగు చూసింది. సామాజిక మాధ్యమాల్లో చురుగ్గా ఉంటూ, తనకంటూ ప్రత్యేక గుర్తింపు తెచ్చుకున్న యూట్యూబర్ వైష్ణవిని ఆమె భర్త హరిబాబు అత్యంత దారుణంగా హత్య చేశాడు. అయితే ఈ కేసులో పలు కీలక విషయాలు వెలుగులోకి వచ్చాయి.
Read Also: Chicken Seized in Secunderabad: హైదరాబాద్లో 800 కిలోల కుళ్ళిన చికెన్ పట్టివేత
హరిబాబు వివాహేతర సంబంధం కోణంలో వీడియోలు
పోలీసుల విచారణలో తేలిన వివరాల ప్రకారం.. భర్త హరిబాబుకు మరొకరితో సంబంధం ఉన్నట్లు చూపిస్తూ కొన్ని వీడియోలను ఈ దంపతులు చిత్రీకరించినట్లు తెలిసింది. కేవలం వ్యూస్ కోసమే ఇలాంటి వీడియోలు చేశారా లేదా మరేదైనా కారణం ఉందా అన్న కోణంలో పోలీసులు దర్యాప్తు చేస్తున్నారు. అయితే, తన వ్యక్తిగత ప్రతిష్ఠ దెబ్బతినేలా ఉన్న ఇటువంటి వీడియోలను సోషల్ మీడియాలో పెట్టవద్దని హరిబాబు పలుమార్లు వైష్ణవిని హెచ్చరించినట్లు సమాచారం.
వివాదానికి దారితీసిన హెచ్చరికలు
వీడియోల చిత్రీకరణ విషయంలో ఇద్దరి మధ్య గొడవలు ముదిరాయని, హరిబాబు హెచ్చరికలను వైష్ణవి ఖాతరు చేయకపోవడమే ఈ ఘాతుకానికి దారితీసి ఉండవచ్చని పోలీసులు అనుమానిస్తున్నారు. సోషల్ మీడియాలో అప్లోడ్ చేసిన కంటెంట్ వారి వ్యక్తిగత జీవితాన్ని ప్రభావితం చేయడంతో మనస్పర్థలు తీవ్రస్థాయికి చేరాయని తెలుస్తోంది. మరోవైపు, వైష్ణవి మరియు హరిబాబు మధ్య ఇన్ని గొడవలు ఉన్న విషయం తమకు తెలియదని వారి కుటుంబ సభ్యులు చెబుతున్నారు.
ప్రేమ వివాహం.. రెండేళ్ల కాపురం
మాదాపూర్ గ్రామానికి చెందిన వైష్ణవికి, కోరుట్ల పట్టణానికి చెందిన హరిబాబుతో యూట్యూబ్ వేదికగా పరిచయం ఏర్పడింది. అది కాస్తా ప్రేమగా మారి, పెళ్లికి దారితీసింది. అయితే, హరిబాబు తల్లిదండ్రులు ఈ వివాహానికి అంగీకరించలేదు. వారిని ఎదిరించి వైష్ణవిని పెళ్లి చేసుకున్న హరిబాబు, అత్తగారి ఇంట్లోనే ఉంటూ రెండేళ్లుగా సంసారం సాగిస్తున్నాడు. ఈ క్రమంలో వైష్ణవి ఇప్పుడు ఐదు నెలల గర్భవతి.
Read hindi news: hindi.vaartha.com
Epaper : epaper.vaartha.com
Read Also: