Vasantha Suicide case: నిర్మల్ జిల్లాలోని రాజీవ్ గాంధీ సాంకేతిక విశ్వవిద్యాలయం (RGUKT) బాసరలో మరోసారి విషాదం నెలకొంది. ఇంజనీరింగ్ రెండో సంవత్సరం (E2) చదువుతున్న వసంత అనే విద్యార్థిని ఆత్మహత్యకు పాల్పడగా, ఆ వెనుకే ఆమె ప్రియుడు గణేష్ నాయక్ కూడా బలవన్మరణానికి పాల్పడటం కలకలం రేపుతోంది.
Read Also: Srikakulam Diarrhea: శ్రీకాకుళంలో డయేరియా పంజా: నలుగురు బలి
ప్రేమ విఫలమే కారణమా?
పోలీసుల దర్యాప్తులో వెల్లడైన వివరాల ప్రకారం.. వనపర్తి జిల్లా పానగల్ మండలం అన్నారంతండాకు చెందిన వసంత (19), తన మేనత్త కుమారుడు గణేష్ నాయక్తో గత కొంతకాలంగా ప్రేమలో ఉంది. గణేష్ ఆమెను పెళ్లి చేసుకోవాలని కోరగా, వసంత మాత్రం తన చదువు పూర్తయ్యే వరకు పెళ్లి చేసుకోనని స్పష్టం చేసింది. ఈ క్రమంలో మంగళవారం రాత్రి వీరిద్దరి మధ్య జరిగిన ఫోన్ కాల్ వివాదానికి దారితీసినట్లు తెలుస్తోంది.
వరుస ఆత్మహత్యల క్రమం
వసంత పెళ్లికి నిరాకరించిందనే మనస్తాపంతో గణేష్ నాయక్ మంగళవారం రాత్రే హైదరాబాద్లోని ఒక హాస్టల్లో ఉరివేసుకుని ఆత్మహత్య చేసుకున్నాడు. ఈ విషయం తెలుసుకున్న వసంత తీవ్ర భయాందోళనకు మరియు మనోవేదనకు గురైంది. తన వల్ల గణేష్ ప్రాణాలు కోల్పోయాడనే బాధతో ఆమె కూడా తీవ్ర నిర్ణయం తీసుకుంది. ముందుగా మెడపై గాట్లు పెట్టుకుని గాయపరచుకున్న వసంత, ఆ తర్వాత క్యాంపస్లోనే ఉరివేసుకుని ప్రాణాలు విడిచింది.
పోలీసుల దర్యాప్తు
వసంత ఆత్మహత్యకు ముందు వచ్చిన చివరి ఫోన్ కాల్ ఆధారంగా పోలీసులు విచారణను ముమ్మరం చేశారు.
Read hindi news: hindi.vaartha.com
Epaper: epaper.vaartha.com
Read Also: