హైదరాబాద్లోని ఓల్డ్ బోయిన్పల్లి ప్రాంతంలో ఉన్న మేధా పాఠశాల (Medha School) అనుమతులు రద్దైన సంఘటన విద్యారంగంలో కలకలం సృష్టించింది. ఈ పాఠశాలపై ఇటీవల వెలుగులోకి వచ్చిన కుంభకోణం, అక్కడ ఫార్ములా వైన్ లేదా అల్ప్రాజోల్ వంటి మాదక పదార్థాలను తయారు చేస్తున్నారని పోలీస్ రిపోర్టులు వెల్లడించిన తర్వాత స్థానిక, రాష్ట్రస్థాయి అధికారులు స్పందించారు. ఈ ఘటన కేవలం పాఠశాల పరిమితికి చెందిన సమస్య కాకుండా, విద్యార్థుల భవిష్యత్తు, తల్లిదండ్రుల నమ్మకానికి కూడా పెద్ద దెబ్బతీసింది.
తెలంగాణ రాష్ట్ర విద్యాశాఖ (Telangana State Education Department) ఈ విషయాన్ని తీవ్రతగా తీసుకుని, పాఠశాల అనుమతులను రద్దు చేయడం నిర్ణయించింది. పాఠశాల కొనసాగించడం ద్వారా విద్యార్థులు ఎదుర్కొనే ప్రమాదాన్ని తప్పించేందుకు ఇది కీలక నిర్ణయం. ఈ రద్దు చర్య తర్వాత విద్యార్థులు ఏ విధమైన ఇబ్బందులు ఎదుర్కోకూడదనే దిశలో అధికారులు పాఠశాలలలో మళ్లీ చేర్పులు నిర్వహిస్తున్నారని తెలిపారు.మేధా పాఠశాలపై ఈగల్ టీం దాడులు నిర్వహించిన సంగతి తెలిసిందే.
డ్రగ్స్ తయారీ చేస్తున్నారంటూ పోలీసులకు సమాచారం
స్కూల్లో గుట్టుచప్పుడు కాకుండా డ్రగ్స్ (Drugs) తయారీ చేస్తున్నారంటూ పోలీసులకు సమాచారం అందింది. దీంతో ఈగల్ టీమ్ దాడులు నిర్వహించింది. ఈ తనిఖీల్లో స్కూల్లో ఆల్ఫాజోరం తయారు చేసే మెషీన్లను పోలీసులు గుర్తించారు. వాటిని స్వాధీనం చేసుకున్నారు.
మేధా పాఠశాలకు చెందిన పాత భవనంలో మత్తు పదార్థాల తయారీ (Manufacture of intoxicants) జరుగుతున్నట్లు గుర్తించారు. ఈ కేసులో కొంతమందిని అదుపులోకి తీసుకుని ఈ విషయమై విచారిస్తున్నట్లు తెలిసింది. వారి వద్ద నుంచి 7 కిలోల ఆల్ఫాజోరంతో పాటుగా 20 లక్షల రూపాయల నగదు, కల్లులో కలిపే ఓ పౌడర్ను ఈగల్ టీమ్ స్వాధీనం చేసుకుంది.
ప్రిన్సిపల్ కీలక సూత్రధారిగా భావిస్తున్నారు
ఈ వ్యవహారంలో మేధా స్కూల్ ప్రిన్సిపల్ కీలక సూత్రధారిగా భావిస్తున్నారు.మరోవైపు రేపటి పౌరుల భవిష్యత్తును తీర్చిదిద్దే పాఠశాలలో మూడో కంటికి తెలియకుండా ఇలాంటి వ్యవహారం నడిపించటం పోలీసులతో పాటుగా స్థానికులను కూడా విస్మయపరుస్తోంది. తరగతులు నిర్వహిస్తూనే.. స్కూలు సిబ్బందికి, విద్యార్థులకు ఏ మాత్రం అనుమానం రాకుండా ఈ వ్యవహారం నడిపించడం ఆశ్చర్యానికి గురిచేస్తోంది.
పాఠశాల భవనంలోని రెండు గదుల్లో ఈ డ్రగ్స్ తయారీ వ్యవహారం నడుస్తున్నట్లు ఈగల్ టీమ్ గుర్తించింది. పగలు పాఠశాల నిర్వహణ సమయంలో ఎవరికీ అనుమానం రాకుండా ఈ రెండు గదులకూ తాళం వేసేవారని.. స్కూలు ముగిసి, విద్యార్థులు, సిబ్బంది ఇంటికి వెళ్లిన తర్వాత సాయంత్రం నుంచి అల్ప్రాజోలం తయారు చేసేవారని భావిస్తున్నారు.
Read hindi news: hindi.vaartha.com
Read Also:
