Crime: మహారాష్ట్రలో(Maharastra) జరిగిన ఒక సంఘటన అందరినీ కలచివేసింది. భర్తతో విడిపోయిన ఓ మహిళ, తర్వాత మరో యువకుడితో సంబంధం పెట్టుకోవడంతో గర్భవతి అయింది. ఈ విషయం బయటకు వస్తుందనే భయంతో ఆమె ఇంట్లోనే ప్రసవించింది. తరువాత, పుట్టిన శిశువును సంచిలో పెట్టి చెత్త కుప్పలో పడేసింది. అదృష్టవశాత్తూ, ఒక వ్యక్తి అక్కడ గమనించి వెంటనే పోలీసులకు సమాచారం ఇచ్చి శిశువు ప్రాణాలను కాపాడగలిగాడు.
స్థానికుల అప్రమత్తత – పోలీసుల స్పందన
ఛత్రపతి సంభాజీ నగర్లోని పుండలిక్ నగర్ పోలీస్ స్టేషన్ పరిధిలో ఈ ఘటన జరిగింది. ఆగస్టు 29న ఉదయం ఒక యువకుడు వాకింగ్కు వెళ్తుండగా, చెత్త కుప్ప దగ్గర కుక్కలు ఒక సంచిని లాగుతుండటం చూశాడు. ఆ సంచి నుంచి శిశువు ఏడుపు వినిపించడంతో వెంటనే కుక్కలను తరిమి సంచి తెరిచాడు. లోపల రక్తస్రావంతో ఉన్న ఒక నవజాత శిశువు కనిపించడంతో, స్థానికులతో కలిసి పోలీసులకు సమాచారం అందించాడు. పోలీసులు వెంటనే అక్కడికి చేరుకుని, శిశువును ప్రభుత్వ ఆస్పత్రికి తరలించారు.
మహిళ ఆరోగ్యం పై అనుమానాలు
దర్యాప్తులో భాగంగా పోలీసులు సీసీటీవీ ఫుటేజ్(CCTV Photage) పరిశీలించగా, ఆ మహిళే శిశువును చెత్త బుట్టలో పడేసినట్లు నిర్ధారించారు. ఆ తర్వాత ఆమెను అదుపులోకి తీసుకున్నారు. విచారణలో, భర్త నుంచి విడిపోయిన తరువాత మరో యువకుడితో సంబంధం పెట్టుకోవడంతో గర్భవతి అయ్యానని, ఈ విషయం బయటపడిపోతుందనే భయంతో ఇంట్లోనే ప్రసవించి శిశువును చెత్తలో పడేశానని ఒప్పుకుంది. అయితే ప్రసవ సమయంలో ఆమెకు ఎవరో సహాయం చేసి ఉండవచ్చని పోలీసులు అనుమానం వ్యక్తం చేస్తున్నారు. ప్రస్తుతం ఆ మహిళ ఆసుపత్రిలో చికిత్స పొందుతోంది.
శిశువును ఎవరు గుర్తించారు?
ఉదయం వాకింగ్ వెళ్తున్న ఒక యువకుడు చెత్త కుప్ప దగ్గర శిశువు ఏడుపు వినిపించడంతో గుర్తించాడు.
మహిళ ఎందుకు శిశువును పడేసింది?
సమాజం అవమానిస్తుందనే భయంతో, ఇంట్లోనే ప్రసవించి శిశువును చెత్త కుప్పలో పడేసింది.
Read hindi news: hindi.vaartha.com
Read also: